هنا

[فقار الكرخي]

بس لله اطخ الراس ماطخه لناس
تموت السنابل من تطخ للمنجل
طبعي اضحك وية الجاهل البية يعيل
العال بيك اضحكله خل يتعلعل
حط طينته بجنحه اذا الغثك فوك
ساعتها يبقى بطينتك يتوسل
يشلوني واركض اكثر من الصاحين
يصير الثلج شلال من يشلل
ذكروني كلشي و لاتذكروني بناس
حسبالي وياهم اعيش مدلل
جيبولي سجادة صلا ذنبي جبير
هواي حلفت عالخان بية معدل
انا الطفل والشايب بنفس اليوم
من ابجي يم باب الله وابقى اتوسل
لاتسأل شكد دمعي شاربته الكاع
جا هو دلو البير بيش تبلل
موت الجرف فاكدله روج انا احييه
يمه ابجي نص بجية ويرد ضعف اول
لو شوفه فارغ هم افره الديوان
الناعور يفتر طبعه مايتبدل
بي مرض طيبة شلون اعالج وارتاح
شلون ازعل و ماشيل هم لليزعل
انا العشت لا بالسمة ولا بالكاع
لا انا تايه لانا ذاك اليندل
راعية شال وذيروه ينزل وين
وانا الرساله البالجدم لمحجل
بوجهي الفرح فشلة ونشاز وميصير
مثل بحزن لو كام زلمة وهلهل
الوكت اختصرني من الطفل للمتعوب
ما مر علي دور الولد لمكذل
كد ما يخضر حيلي وانطيه للغير
غيري حلو وانا صرت المبهذل
من بعدت عن الاعزهم لاضيع
شفت العزيز يضيع لمن ينمل
امنيتي افهم الناس منطق الاشياء
مو كلمن يشوفونه يوصل افضل
ليطيح يوصل اسرع من الصاعود
لو عالسباق الساقط يصير اول
ينسوني جي ماعرف اطخ راسي بيوم
لا باطل ازمخ لا اسب وانعل
ولو ردت اطخ الراس فاسة كصاب
كسرت عظم بعض البهائم حلل
تحجي العدل حطوك سلعة وبالسوك
شوف الغراب وشوف وضع البلبل
يا امرؤ القيس شتحاجي خليه
لو همي بي ..! بركان جا طك يذبل
حطيت الله ابين ذن لمحجبات
من شفته للكشخة انصلب حمد و قل
شفت الله عالحيطان ماشفته بناس
وجنت احجي بس عالبعض هسة على الكل







حسن التميمي

[نزاكة]

يـّسَـْلْمـّﯙو گلگ ذۈق