كذبات النسوان ال11
الله بالخير عليكم عيوني
ادري بيكم زينين ماكو داعي اكوللكم شلونكم
كالتلي جارتنا ام سنان تعالي بنيتي ورده خل اشوفج شكد يجذبن النسوان
واني ما قصرت طبعا كعدت وطلعتلها ماعون كليجه وصبيتلها جاي
وبديت استمعلج خاله ام سنان
وبدت تكول باعي هذني ال11 نقطه تتكرر بكل النسوان
1- والله جهالي ما ياكلون شي عايشين بس ع النساتل طبعا بزر جكليت
2- زوجي يموت عليه
هههه الله اعلم يا خاله لان واحدهم صاير يطير طيور بعيونه
3- اتزوجت من واني زغيره خوما مثلج
هاي شنو منج خاله تره اني عنصر فعال بالمجتمع هع
4- اني ماكو انظف مني بشغل البيت والنهار كوله كنس ومسح وشايله البيت ع راسي
ديري بالج ع ركبتج خاله لا تروح تغطس
الله ومطولج يا روح وبديت اضوج طبعا بس شسوي فضولي دفعني اسمع ال 10 نقط
5- اني من زمان جسمي كان مثل غصن البان بس خرب من الحمل والولاده
لج خاله هيه مال دروب
6- ماكو واحد بالدنيا صبر ع المر بكدي
7- كنت كلما اروح لعرس لو اطلع لبيت يخطبوني
اي مو ع اساس انتي صوفيا مارسو لو انجلينا جولي
8- ماكو واحد شافني اذا ما كالي انتي شكد عمرج لان ماشالله عليه مبينه ازغر من عمري
زين شنو قصة هل شيب خاله ام سنان ها ههههههه
9- ماكو واحد يصدك هاي بنتي كلهم عبالهم اختي
10-من البارحه لحد اليوم ما نايمه بس ساعه
الله ينطيج الصحه وبكلبي اكول ويامن سهرانه ع الخدمه ه
هههههههههههه
11-زوجي من كان عايش ما يرفضلي طلب
الله يساعده عليج طك ومات من قهرج
يا رب تكون عجبتكم كذبات النسوان لهذا اليوم
رد مع اقتباس
