هنا

[فقار الكرخي]

راح علاوي وبعد ماضن يعود
و ادري كلمات الفقد معذورة
ياكلام اليوفي حقك وارثي بيك
و يا امام البيك احشمه نذوره
الجان طولك من يمر تغتاض ناس
وسفة منك ما بقت بس صورة
راح وبروحي ترك بس ذكريات
كونك تمرني بحلم تسيوره
بيه صرخة بداخلي تهزلها كون
وبيه آه ودمعه بيها حروره
منهو وازاك اعله خوتنه ومشيت
ضهورنا بفكدك صفت مكسوره


القهر والضيم بفراكك يربكون
طلب واحد ردت منك يرب كون
الي صاحب يرد ليه يرب كون
وتعيد ايامنه الجانت سوية




فقار الكرخي

[Haidar Iraq]

حلو ..

[فقار الكرخي]

نورت يالغالي

[الرميثي]

عشت يا غالي على هذه المشاعر الجميلة

[فقار الكرخي]

نورت الكون ياطيب
ممنون منك

[صفاء العامري]

عاشت ايدك عزيزي

[فقار الكرخي]

نورت الكون حبيبي صفاء

[ثامر الحلي]

رحم الله الفقيد وأسكنه فسيح جناته والهمكم الصبر والسلوان
قرأت هنا والعين حقا باكية على شعور الفقد فما أقساه
اعانكم الله الأخ العزيز

[فقار الكرخي]

يرحم امواتك ياطيب
ربي يحفظك ويحفظ عزازك

جدا ممنون منك استاذ ثامر

[ايليتا]

يارب يصبرك ياغالي ماتستاهل عيونك بس الفرح... يارب ارحم بشبابنا و احفظهم يارب وارحم احبابهم