كفيت العتب كفت غراض الميت
وسديت الأبواب بكل وجه ثگلان
ماريد الضحك وسوالف البطران
انا انسان افرح من الأگي انسان
من ابچي يشگ قمصان
من ابعد يدگ بيبان
جا هو السكوت انحسب للحيطان
والبردان مو شرط البرد ماذيه
رجفة العاشق ولف زعلان
ودموع العزيز اطيح لو شاف
الگبر ممدود بيه صويحبه اكحيلان
ادور وين والگى البلفعل عنوان
شو هذا الوكت تحجي الصدك غلطان
ومن تجذب تحبك وآدم وشيخان
تاهت واليصلي يبيعك بفلسين
واليشريك واحد طيب وسكران
هذا المثله ماكو انسان..
هذا المثله ماكو انسان..










عبد المجيد النعيمي