مدري شضامه عيونك جفنها ايرف
كلشي ينام حت الباب والشباچ
وگلوب الثريه اينام
ضلك يتعب امن الجام
وايــامك نثايه اتخاف وسنينك ركض كادود برغيف الخبز تنسام
ترجع تلتم ابروحك حدر روحك
حدر فيي الغطه المتعوب
مدري شضامه عيونك جفنها ايرف رفيف الطير چا هوه التعب چندوب
ثمل منك وبيك الكاس محد فاگدك وتخاف
ماينشاف دمع اليل ماينشاف
تسيورة نهد بالطيف سير يارفيف العين
وتوجلك شمس لليل لو جاسك برد موزين
شاربني العطش گيضين
لم روحك ولك مني
وضل بحلمك الچذاب من تشتاگلي تغثني
مصطفى الاشتراني
رد مع اقتباس