من المشرفين القدامى
امنيات *
تاريخ التسجيل: April-2016
الدولة: تحت قبة اميري علي (ع )
الجنس: أنثى
المشاركات: 6,219 المواضيع: 1,261
صوتيات:
313
سوالف عراقية:
0
مزاجي: ابتسم للحياة
المهنة: طالبه جامعيه ..
موبايلي: هواوي
آخر نشاط: 9/October/2023
قصيدة (على سَـآعــهْْ ) باسم الكربلائي -ليلة 19 جمادي الاولى 1441هـ ـ مكتوبة
قصيدة : على ساعة
للشاعر : سيد عبد الخالق المحنه
المناسبة : استشهاد الزهراء ع ، ليلة 19 جمادى الأولى 1441
على ساعة .. ويبدي ثاري والبواتر هاشمية
على ساعة .. وصوتي يصدح يا لِثارات الزجية
أنه آخر أمل .. أجي شايل زعل
********************************
يروح الهادي وأنفاسه .. يروحي ونبضة أحساســـــي
تره البسمار البصدرچ .. وحكچ عايش براســــــــــي
ألف عام وبعد أكثر .. يجمر الباب بأنفاســــــــــــــي
واراقب كل ضمير وصوت .. اشوف الناس مو ناسي
وانه اسمع .. من بعضهم كل مسيه يندبونـي
وانه اسمع .. وادري بيهم من اجيهم ينكروني
على طاري العجل .. اجي شايل زعل
************************************
أشوف الناس متأخرة .. و تظن هوايه متقدمة
قسم منهم يريد النور .. من العايش بعتمـــــة
قسم يتأمل الرحمة .. من الذابح الرحمــــــــة
قسم يركض وره الماكو .. وقسم يتغير بكلمـة
وانه ضد .. الما يقاوم واليساوم عالعقيــــــدة
وانه ضد .. البايع الشر وإللي يجرح بالصميدة
وانه همي جبل .. اجي شايل زعل
**********************************
يا زهراء الوضع هذا .. صعب والمدمع يشرحــــــــه
أشوف اليطلب الاصلاح ..إهو محتاج اليصلحــــــه
وأكو يگطع چفوف الخير .. ويصافح چف اليذبحه
سفينه وبيها الف سفّان .. وحيتان البحر وكحــــــه
انه قادم .. يالزجيه إلا اصفيها على كيفي
انه قادم .. والمشاكل ما يحلها إلا سيفي
انه انهي الجدل .. أجي شايل زعل
*********************************
يا زهره وضربة البسمار .. أكو هوايه تشك بيها
تره حتى الكسر ضلعچ .. كالوا ما يسويــــــها
مفهوم الثقافة اليوم .. تعوف الناس ماضيـها
لازم تتبع الشيطان .. حتى العرب نرضيـــــها
على وعدي .. واعتذاري عن ظهوري لو تأخر
على وعدي .. لا سقيفة ولا خليفة إلا حيـدر
انه خير العمل .. أجي شايل زعل
***********************************
عجب أهل العلم صاروا .. ضحيه وعرضة للجاهل
عجيبه اليصنع الطاغي .. يلوم الجاني والقاتـــل
الحكم لو صار للصبيان .. ولا يتصدر العاقــــــــل
الفوضى فرصة للعدوان ..نعم واليرضى يستاهل
تره واضح .. من تركنه وما تبعنه يرضى بالذل
تره واضح.. لا مهابة لا كرامة ما يحصـــــــل
على هذا الجهل .. أجي شايل زعل
*************************************
أشوف النار واتذكر ..بابج و الجره عليــــــــــها
وأشوف هواي التشعل .. نار بس وين اليـطفيها
وأذكر عمتي زينب .. واظل ابچي لبواچيــــها
واناشد ! جم شمر موجود .. يريد اليوم يسبيها
تره همه .. السلبوها وأسروها للمصالح
تره همه .. والتبعهم يبني دولة بالمذابح
على طفل انتقتل .. أجي شايل زعل
*******************************
ادور على الـ يمهدلي .. و يواجه عسكر الظالــــــــــم
اذا صار الغزل فكري.. وجوب أقلامها تــــــــقاوم
متى ما اصبح الجاهل.. يحارب كلمة العالـــــــــم
إذاً صار الشرف مخطور .. وانه راعي الشرف قادم
انه جيشي .. وجه واضح والمطالب مو خفيه
انه جيشي .. كله غيره ما يساوم عل القضيه
إذا غاب الخجل .. أجي شايل زعل
«««««««««««««««««««««««««
رد مع اقتباس
