هنا

[*RÂყÂм*]

قصيدة:بهالمصيبة يالحبيبة
الشاعر:عمار هليل الواسطي
الزمان:ليلة 19 جمادي الأولى 1441
المكان:ساحة الشهداء المركزية-البصرة


بهالمُصيـبـه يالحبـيـبـه
دمعة عيوني دِمَه
**************************
بيا وداع الليلـه مـتواعِــــــد دليلي
يالوديعه ومن يجن بالحسره ليلي
إنتي حيلي يالوداعــچ هدم حيلي
گلبي من جـمـرة مصابچ يشتكيلي
وحشه ليلي تعب حيلي
فاطمه يا فاطمه
*************************
حزني بلسان الدمع سولف كلامـه
جرحي ما يُبره تره اليوم القيامه
نسولـــف بطاريــچ آنــه واليتــامه
والنهار أظلــــم رِسَم حزنچ ظلامه
دنيه غُربه والله صعبه
زيــنــبچ مِـتْـيَـتِـمه
*************************
فَجعةْ حسين وحسن لا مــو قليله
حَسبةْ افراگچ وحق ضلعـچ طويله
والأشـــد منهــــه بعد حــال العقيله
من تگول إسمـچ الحيل يعـوف حيله
يالزچيه وشـْبـديّه
شَكْـوِتي الرب السمه
**************************
ساكت وبس الله يعلم ثُـگل همّــي
لو إجت زينب تگلي وينهه أمـــي ؟
شگد تمـنـيـتـچ يــروح الروح يمّي
يلّي بمصابچ جره دمعي اويا دمّي
يطفه شمعي أحني ضلعي
يالوفـيّه العالِـمه
***************************
ليش ما گلتيلي عن ضلعچ وخدّچ
ليش يالشفتي اليتم بعيـون ولدچ
صدگ عالدنيه العَفه يالزهره بعدچ
شلون أعوفچ بالگبر يا روحي وحدچ
شفت سطره شفت كسره
ريت لعيوني العَمَه
**************************
آنه حيــدر حيلي من رب البـــريّــه
لچن شيل اجـنـازتـــچ يصعب عليّه
شلون من ترحين يالزهره امن اديه
ريت گبلـچ روحي لاگــتــهـه المنيه
بگلبي لچمه عمري ظلمه
والجروح املازمـه


««««««««««««««««««««

[عضوية122513]

الله
عشتي قلبي

[*RÂყÂм*]

الله
عشتي قلبي

يسلموو لحضورج ورد