هنا

[فقار الكرخي]

الله يجفيكم الشر
اكو ولد مات وكاعدين بالفاتحة مالتة
وكاعدين جماعة اهل دين شيوخ يسولفون واني اسمع حجيهم
الصراحة متت خوف من حجيهم
وحبيت اطرح الموضوع للنقاش وياكم




عذاب القبر ؟

من يدفنوك تجي حية تلتف عليك ؟

ضغطة القبر حليب امك الشربته
من انت طفل يطلع من خشمك بالضغطة ؟

مرات يكون حفرة من حفر النار ؟


من يدفنوك ترجع الروح بالجسد وانت جوة التراب ؟

الصراحة من سمعت هاي العبارات خفت حيل
وراودني شعور ان اليموت يذبو يم داعش
لو يروح المكان مابي رحمة الله ..

ويجيك منكر ونكير يسألوك
من ربك ومن نبيك ومن ومن ؟
زين هو الله ميعرفني شمسوي
ليش يدزهم عليه ؟


زين لا تكول هاي الامور بالعراق
وتطفر الغير دولة وتخلص .

ولا اذا انت تصلي وتخاف الله تخلص منهن ؟
حسب حجيهم وراك وراك

رحت بحوشت ودورت
ملكيت شي بالقرأن يكول هيج .

اليعرف بهاي الامور
يرفدنا بمعلومة او أية او حديث معقول
حتى الكل يستفيد


والعاقبة للمتقين


حسب قول الشيوخ السمعتهم
حتى المتقين هم الهم عذاب بالقبر
لعد منو الخلصان ؟





جميع الردود تخضع للتقييم

[M̲u̲S̲h̲T̲a̲Q̲ツ]

لا اعتقد من الاصح ان تكون تسميته هكذا
وانما هو عالم البرزخ ومذكور بالقران ،،، هو عالم ينتقل اليه الانسان
اما عن التفاصيل ومالى ذلك فلكل شخص حصاد مازرع اعتقد

تحياتي

[فقار الكرخي]

لا اعتقد من الاصح ان تكون تسميته هكذا
وانما هو عالم البرزخ ومذكور بالقران ،،، هو عالم ينتقل اليه الانسان
اما عن التفاصيل ومالى ذلك فلكل شخص حصاد مازرع اعتقد

تحياتي

ها البرزخ هم نسيتها

ياخوية يكولون حتى المامسوي شي
هم يشوف العجب هناك



نورت كايتو الطيب

[ريـــم]

بسم الله الرحمن الرحيم يا ايتها النفس المطمئنه ارجعي الى ربك راضية مرضيه صدق الله العضيم ..الدلائل كلها تدل على ان الجسد فقط من يسكن التراب ..وهو الجزء المادي الملموس من الانسان ..طالما هناك ضغطة قبر فما بالك بالجثث اللتي لاتدفن ؟الجثث الغارقه مثلا او اللتي تأكلها الحيوانات اجلك الله كيف تتم عليها مرايسيم ضغطة القبر ؟كل الدلائل تدل على ان الجزء الملموس وهو الجسد حين يدفن تنقطع علاقته بربه تضل هنالك الروح النفس التي ترجع الى ربها هي من يتم عقابها ومحاسبتها ..هذا كل ما اعرفه ..تحياتي ..

[ضياء كاظم المياحي]

لا تدع الشيطان يقنطك من رحمته.. الله أرحم بعبده من الأم بولدها

[فقار الكرخي]

بسم الله الرحمن الرحيم يا ايتها النفس المطمئنه ارجعي الى ربك راضية مرضيه صدق الله العضيم ..الدلائل كلها تدل على ان الجسد فقط من يسكن التراب ..وهو الجزء المادي الملموس من الانسان ..طالما هناك ضغطة قبر فما بالك بالجثث اللتي لاتدفن ؟الجثث الغارقه مثلا او اللتي تأكلها الحيوانات اجلك الله كيف تتم عليها مرايسيم ضغطة القبر ؟كل الدلائل تدل على ان الجزء الملموس وهو الجسد حين يدفن تنقطع علاقته بربه تضل هنالك الروح النفس التي ترجع الى ربها هي من يتم عقابها ومحاسبتها ..هذا كل ما اعرفه ..تحياتي ..

اذا الجسد من يموت تنقطع علاقتة بالله
لعد شعدهم جايين منكر ونكير يسألون جسد مقطوعة علاقتة بالله
وحتى اشبه بالجماد باعتبار مابي روح شلون يجاوبهم ؟




معلوماتج قيمة
نورتي

[فقار الكرخي]

لا تدع الشيطان يقنطك من رحمته.. الله أرحم بعبده من الأم بولدها

ابنك مهما يسوي مشاكل
وبلاوي
كلبك ماينطيك تأذي .
كيف الله حسب قولك ارحم بعبده
من الام والاب ويشمرك بالنار ؟

تكدر ام تذب ابنها بالنار ؟
حتى لو مفلش كل جوامع المسلمين .


اما الشيطان
لا ما يقنطني عن رحمة الله
بس هذا الحجي السمعته وحبيت اناقشة معكم واعرف مدى صحته




ممتن منك على مرورك

[ساره البابليه]

من اسماء الله الغفور الرحمن الرحيم
احنه بالحياه وبدنيا بين اهلنا وناسنه والله راحم بينه بالاخره وحدنا والله عادل يرحم بينا .
الي علينا نعمله نستغفر ربنا على كل ذنب عملنا ومانئذي احد ..وبعد كلشي بقته
ورحمه الله وسعت كل شي
وهذه ضغطه واذا ملابسه حجاب يشلوه من شعره وكثير اشياء مرعبه تتداول
الله خلقنا لنحمده ونعبده مو حتى يموتنا ويعذبنا

[فقار الكرخي]

من اسماء الله الغفور الرحمن الرحيم
احنه بالحياه وبدنيا بين اهلنا وناسنه والله راحم بينه بالاخره وحدنا والله عادل يرحم بينا .
الي علينا نعمله نستغفر ربنا على كل ذنب عملنا ومانئذي احد ..وبعد كلشي بقته
ورحمه الله وسعت كل شي
وهذه ضغطه واذا ملابسه حجاب يشلوه من شعره وكثير اشياء مرعبه تتداول
الله خلقنا لنحمده ونعبده مو حتى يموتنا ويعذنا

كلام معقول وحلو

بس المشكلة ذولة السمعتهم
يستدلون بأحاديث عن النبي ص
وعن اهل البيت والصحابة
يعني كلامهم ما جايبي من جيوبهم



نورتي الكون يالبابلية

[دكتور جميل]

حبيبي فقْار.. بالمختصر المفيد... هذي خزعبلات وتخاريف أهل كبل.
والسبب هو:
١- هل عذاب القبر هذا مشموله بيه كل الناس من كل الاديان لو يخص المسلمين بس؟ لو جان للكل أشو ربهم ما جاب طاريّه بدياناتهم ولا يعرفوه. ولو جان بس للمسلمين يعني ربهم قاسي ويّاهم ومو عادل.
٢- لو جان فعلاً اكو هيجي شي ، شلون راح يتحاسب اللي ماعنده قبر؟
اكو هوايه ناس ماتوا بانفجار او غركوا لو افترستهم الحيوانات ،هذوله الما عدهم كبر شلون بيهم؟
٣- الانسان لمّا يموت يصير مجرّد جثة تاكلها الجراثيم ، يعني لا تشوف ولا تسمع ولا هم يحزنون.
..... ما أريد أطوّل... اللي يدّعي بوجود عذاب القبر يجيب دليل ملموس مو مجرّد تسفيط حجي ولا قال فلان وحجه علّان هيجي حجي ما اشتريه بفلس.
تحياتي