من المشرفين القدامى
امنيات *
تاريخ التسجيل: April-2016
الدولة: تحت قبة اميري علي (ع )
الجنس: أنثى
المشاركات: 6,219 المواضيع: 1,261
صوتيات:
313
سوالف عراقية:
0
مزاجي: ابتسم للحياة
المهنة: طالبه جامعيه ..
موبايلي: هواوي
آخر نشاط: 9/October/2023
قصيدة (عليا وا عليا) باسم الكربلائي -ليلة 18 جمادي الاولى 1441هـ ـ مكتوبة
قصيدة:علياً وا عليا
الشاعر:محمد الظالمي
الزمان:ليلة 18 جمادي الأولى 1441
المكان:ساحة الشهداء المركزية-البصرة
:#مثل طبع النسر #انا في ذمة الله
علياً واعليا علياً واعليا
عينك سيدي مرتين
يحيدر أصبحت حَمره
مره بالرمد مولاي
ومره الفرگت الزهره
علياً واعليا علياً واعليا
*******************
بحثت اعليك بفكاري
ولا شايف صَلبْ مثلك
متنك من حِمَل فاطم
وانت إبعازه اليحملك
شفتك تدفن ابگلبك
وشرد من الهضم ضلك
تسري وتقره بالقرآن
" سُبحانه الذي اسره "
علياً واعليا علياً واعليا
*******************
لگيت اسمك اسد خيبر
والجن تشرد ابعزمك
وطبع بيها الأسود تخاف
لمن تسمع ابأسمك
لهذا أيقنت مولاي
محد يوصل الچدمك
وعليك المثل مايعبر
الواحد يصرع العشره
علياً واعليا علياً واعليا
********************
سيفك ياعلي معروف
بالميدان سالفته
دين الله وگع بيدك
وانت للنبي شلته
ما بالغ لون گتلك
تره الاسلام بس انته
العتب ذاك الزمان البيه
ماياخذ ولا عبره
علياً واعليا علياً واعليا
********************
اني السامعِه مولاي
الزلمه تبين أفعاله
والعنده نقص يشعر
محد يهتم بحاله
ولكن ماشفت اصحاب
هجمت عالنبي وآله
الضرب خد الزجيه شگال
وأن هذا النبي انسطره
علياً واعليا علياً واعليا
*********************
يالشاغل حواس الروح
يالگلبي املكت حُبه
انت واضح بمعناك
الوصل يمك فهم ربه
تره ابشوفِ الگلب مو عين
الأعمى يشوفك ابگلبه
عليت وماعلاك إنسان
گلبك ياعظم صبره
علياً واعليا علياً واعليا
********************
جروحك مو جروح عليك
(علي وحيدرها والكرار )
إذاً لو ما قدر ربك
فقط بس يلمع الفقار
وحق رب الرفع سبعه
تحرگ نار فوگ النار
اذا تخزر لهيب الباب
الجمره تچوي بالجمره
علياً واعليا علياً واعليا
********************
اختيارك مو سهل مولاي
وانت تنظر الأبعاد
مثيم حُبه بيك انجن
كلما زاد عمره زاد
نعم بس صُحبتك صُحبه
رشيد ومالك ومقداد
ابو ذر حجر اليحبك
وسلمان الوضح أمره
علياً واعليا علياً واعليا
********************
رد مع اقتباس
