هنا

[*RÂყÂм*]

قصيدة: اشهد يا زمن
للشاعر: وسام الشويلي
الزمان: ليلة 17 جمادي الأولى 1441هـ
المكان: ساحة الشهداء المركزية-البصرة


اشهد يازمن أم الحسن
ماتت شهيده
من كسر الضلع خل نستمع
صوت العقيده
آيات ولائيه صيحات غديريه
~~~~~~~~~~~~~~~~~
دسولف يازمــان وانـتــه تدري
شنو ابيت النبوه احداث تجري
كلامك بالعـلـن لا يـبـقى سـرّي
قضيـتـنــــه الـتــولّي والـتـبـري
اعله منهج فاطمه خلّينه نسري
عليها توكّـلت والهـوه بـظهـري
لا تخفي الأمر خل تنذكر
كل الحقيقه
منجامل بعد عالمعتقد
كلمن طريقه
مو روح عدائيه صيحات غديريه
~~~~~~~~~~~~~~~~~~
من اجوا للدار عند الگوم غايه
يحرگـوها ويحـرگـون الوصـايا
نسـوا أم الحسـن للبـاري آيــه
تدافـع عن مصابـيـح الهـدايه
يعصروها وتـنــادي بالـولايــه
اطـيـح وما تطـيـح العلي رايه
حيدر ينعصي وهوّه الوصي
هذي جريمه
صاحت لا ولي إلّا علي
بيعه عظيمه
القرآن معانيه صيحات غديريه
~~~~~~~~~~~~~~~~~~
شهيده وشاهده فاطمه الزهره
بوكت غدروا علي وانكروا أمـره
البتول الطاهره بساعـة العصره
ضـلـعـها بـآيـة التـبـلـيـغ يـقــره
تسطّر حب علي بساعة السطره
تراويـهـم رفـض والعـيـن حمـره
المحسن من وگع صوته ارتفع
لا للسقيفه
لا للناصبي وبعد النبي
حيدر خليفه
وگفات بطوليّه صيحات غديريه
~~~~~~~~~~~~~~~~~~
الضلع صوته ارتفع والخصم سامع
يگـلـهم انـكسـر بس ما أبـايـع
علي الأوّل يظـل وبلا مـنـازع
وشياطين الإنس يردونه رابـع
يدفعوها وتگول ابـقى أدافـع
على الزگّه بصلاته وهوّه راكع
بيّه شما ترض نهج الرفض
دمّي يكتبه
يستاهل علي خلّي انولي
ضربه اعله ضربه
البسمار نبت بيّه صيحات غديريه
~~~~~~~~~~~~~~~~~~
الزچيه فاطمه توضح إلنه صوره
اذا غاب النبي تـسجّـل حضـوره
لأن هـيّـه أحاسـيـسـه وشـعـوره
الخليفه المُدّعي كشفت شروره
بوجهّم صاحت الحـرّه الغـيـوره
الإمامه لا سقيـفه ولاهي شـوره
دين الله اكتمل والنص نزل
بلّغ محمد
ضد اهل الغدر وأهل المكر
ياضلعي اشهد
بجروح سماويه صيحات غديريه
~~~~~~~~~~~~~~~~~~~مواقف فاطمه بوجه الصحابه
تبـيّـن حالـهـم ذولـه عـصـابـه
رغم ذاك الألم تحچي بصلابه
تگلهم آنه سـتـر الله وحـجـابـه
عَلَي بابي انـدفـــع ياللـغـرابـه
اشـو خـيـبـر ولا هـزّيـتـوا بـابه
وسفه المو زلم صاروا زلم
هسّه عليّه
بالسوط انضرب موقف صعب واشگف بديّه
للدين فدائيه صيحات غديريه
~~~~~~~~~~~~~~~~~عجيـبه الما سـأل مـرّه ضمـيـره
شـنـو المـوّتـها والزهـره زغـيــره
الجواب تعرفه اصحاب البصيره
شيـعـيّشها بالضـلـوع الكسـيـره
رفـسها بـقوّته الماعـنـده غِـيـره
يـعـالـم والله مـامـوتـهـا غـيـــره
مايرهم دوه حتى الهوه
گوّه تشمّه
محمر الجفن ماتت تون
والدمعه كلمه
للموت بقت هيّه صيحات غديريه
~~~~~~~~~~~~~~~~~
الزچيه اعله الولايه أوّل شهيده
بضلعها ثـبّـتـت اصـل العـقيده
بظـلام الليل شـيّـعها الصمـيده
لأن فــلان يـحـضـر مـا تـريـــده
گـبـرها مختفي الغـايـه بـعـيـده
تريد المهدي هوّه ايكشفه بيده
زاير مايجي الحد مايجي
المهدي ويظهره
يمشي الكربله بالقافله
والغايه ثوره
ثارات حسينيه صيحات غديريه


______________________

[Secluded]

يسلموو ريووم