خلية النحل.. عمل دياتي ^^
مرحبا دُرر
طبعاً صار هواي ممنزلة اي موضوع وهم دخولي قليل او متقطع للدُرر
اليوم گلت انزل هالموضوع بما أنُ صارلي مجال
نبدي بالمكونات
اول شي
4 اكواب من الطحين
1 م ك من الخميرة الفورية
2 ونصف م ك كبيرة من السُكر
1 م ص ملح
2 ونصف حليب سائل دافئ
ربع كوب زيت نباتي
طريقة العجن
نضيف كل المكونات المذكورة أعلاه ونبدي نخلطهم بالملعقة الخشبية ومن يبدي يصعب علينا العجن نصير نعجنها بالأيد لحد متتكون عدنا عجينة متماسكة طبعاً نظل مستمرين بالعجن ع الأقل 5 دقائق بدون انقطاع كل ما عجناها اكثر كل متكونت عدنا عجينة هَـشة
بعدين نحولها بـ وعاء ممسوح بزيت ونغلفها بالنايلون الغذائي ونغطيها بمنشفة
نتركها تختمر مدة ساعتين او حتى يتضاعف حجمها اذا متضاعف حجمها معناها الخميرة مو زينة
الحشوة
نحشيها بالنوتيلا أو أي نوع من الشوكولاتة الي تحبو ممكن هم تحشوها بقطع الشوكلاتة الي تكون متماسكة
.
.
.
بعد ما اختمرت العجينة نبدي نشكل كورات ونخليها ع سطح مرشوش بالطحين بعد ما كملنا من تشكيل الكورات نغطيها بـ منشفة لحتى ترتاح
ناخذ قالب دائري الي مصنوع من الگرانيب حتى متلتصق العجينة بي
ونمسحة مسحة خفيفة بزيت ونخلي الكورات بي بعد محشيناهن ونتركهن لمدة ساعة او حتى يتضاعف الحجم وبهالخطوة نكون مغطيهن
نحتاج حتى نمسح وجه العجينة
2 م ك حليب سائل
1 بيضة
وڤانيليا سائلة حسب الرغبة
نحمي الفرن قبل لندخل القالب
كل ميكون الفرن حامي راح يستوي ااسرع ومراح ياخذ وقت منكم
ندخلها ع نار هادئة
وقتها ربع ساعة او أقل حسب حرارة الفرن
والف عافية
ولتنسون التقييم
رد مع اقتباس
المشاركة الأصلية كتبت بواسطة صباح العراقي2
