عثر كلبي ابجمالك .... الله الله
وصرخ من شاف طولك .... الله الله
اذا الخالق جمالك .... الله الله
جاا ياهو الخلقني وعم عليه
، ، ، ، ، ، ، ، ، ، ، ، ، ، ، ، ، ، ، ، ،
يغالي الذهب مايرهم وصف لك
واكتب شعر من كلبي وصف لك
تعال بكلبي مدرستك وصف لك
انت لو تأخذ صفر انطيك ميه
، ، ، ، ، ، ، ، ، ، ، ، ، ، ، ، ، ، ، ،
جذب عيني تحب غيرك *وأبدلا
ثوب امفصل الطولك*وبدلا
اكص كلبي اذا عافك *وأبدلا
وابدل أضلوعي اذا شكيت بيه
، ، ، ، ، ، ، ، ، ، ، ، ، ، ، ، ، ، ، ،
غيرك ماسكن قلبي وسادة ..
تسوى شيوخ باخلاقك وسادة ..
اذا تمرض اصيرن لك وسادة ..
وكل عظاي تصبح صيدلية "
، ، ، ، ، ، ، ، ، ، ، ، ، ، ، ، ، ، ، ،
يهل تسري بوسط دمي.... ونبضاي
بضلمه شلون اعوفنك....ونبضاي
قسم لو ينجمع نبضك....ونبضاي
اطيب وكل جرح ما يبقى بيه
، ، ، ، ، ، ، ، ، ، ، ، ، ، ، ، ، ، ، ،
طعم كهوه بحلك دله . وهل بيك
هلال وعاشگ عيونك ...وهل بيك
اريد اوكف على دربك ...وهل بيك
هله بجيتك يمن حنيت اليه
، ، ، ، ، ، ، ، ، ، ، ، ، ، ، ، ، ، ، ،
شلون يضل بعد بالراس…. مخ زين
وهو من الكرابة هموم…… مخزن
اخوي وجر تفكتة وضع….. مخزن
ومرتة لهلهلت من هد علية
، ، ، ، ، ، ، ، ، ، ، ، ، ، ، ، ، ، ، ،
گلب گلبي يحبك حتى گلبه
ومنو غيرك أحبه حتى أگلبه
سجل گلبك أريده حتى أگلبه
وأشوف شكاتب بكلبك عليه
، ، ، ، ، ، ، ، ، ، ، ، ، ، ، ، ، ، ، ،
أحطك محبس بجفي وفربيك
وبياضك موبشرعادي وفربيك
اخطفك من حظن امك وفربيك
أخلي امك حبيبي اتخم عليه
، ، ، ، ، ، ، ، ، ، ، ، ، ، ، ، ، ، ، ،
وحك الشامه البخدج يهل بت
بحلات النوم اشوفنج يهل بت
الكمر موجود بس عدكم يهل بنت
المهر روحي لون ترضون بيه
، ، ، ، ، ، ، ، ، ، ، ، ، ، ، ، ، ، ، ،
يغار الگمر من خدك... ولك غار
واضمك حيل بگلبي... ولك غار
احير شلون وي روحي.، ولك غار
اضمك بالگلب هم تبعد عليه
، ، ، ، ، ، ، ، ، ، ، ، ، ، ، ، ، ، ، ،
وحك الي خلق روحي ..من نجرهه
المصايب تعمل وتأخذ. .من نجرهه
وحك الله بيه حسرى..من اجرهه
ينخسف صدري ويشب عطاب بيه .
، ، ، ، ، ، ، ، ، ، ، ، ، ، ، ، ، ، ، ،
يموت الكلب لو شافك.... ورباك
وكلبي اشكد تعب لجلك. ورباك
ابد مايوم حب غيرك..... ورباك
اضل مجنون بيك….. وهاي هيه.
، ، ، ، ، ، ، ، ، ، ، ، ، ، ، ، ، ، ، ،
ريد اكصد لعد كلبك وظيفه
واحط حبي على حبك وظييفه
اذا هذا العشك صاير وظيفه
ما اطلع تقاعد للمنيه
، ، ، ، ، ، ، ، ، ، ، ، ، ، ، ، ، ، ، ،
بواهس عاجر اترجاك ........مر كون
جفيت ومن جفـيت الزاد .... مركون
ابشرك من رحت لليـوم ....... مركون
بخرابه وحتى صار تراب بيـــه
، ، ، ، ، ، ، ، ، ، ، ، ، ، ، ، ، ، ، ،
وحگ ملوحة اهل الريف....بل چا
يهجرك كل عضو من عضاي....بچاه
فراگك مو خدش بالگلب....بچاه
دمس رمحين شچهن شچخ بيه
رد مع اقتباس
المشاركة الأصلية كتبت بواسطة ابراهيم حسن
