لا حياة بلاعلي ولا فاطمه
علي الخفاجي
ليلة 14 جمادي الأولى 1441
حسينية المرحوم داود العاشور-البصرة
هذا صوت ويرتفع بأرض وسمه
لا حــيـاة بــلا عـلـي ولا فـاطمه
~~~~~~~~~~~~~~~~
هذا صوت ويدوي بالعالم صداه
حــيـدر وفـاطمه مـشـكــاة الإله
والشعار الماكـو گبله ولا وراه
أحـنـه جـيـل الـجـيـل نبقى أنعلمه
لا حــيـاة بــلا عـلـي ولا فـاطمه
~~~~~~~~~~~~~~~~~
أحنه شيعـه وگـول عنه شما تگول
حبنه بالـشـريان يسري ومـا يزول
الـله يـلعـن من كسر ضلع البتول
وشـلـت أچـفـوف الخـيـانـه الآثمه
لا حــيـاة بــلا عـلـي ولا فـاطمه
~~~~~~~~~~~~~~~~~
أحنه شيعـه ويـشهـد علينه الفضه
وما نعيش بـغـيـر حب المرتضى
رافـضـه ولـلـمـوت نبقى رافضه
وحب علي الكرار يسري أوي الدمه
لا حـــيــاة بــــــلا عـلـي ولا فـاطمه
~~~~~~~~~~~~~~~~~~
نــقـسـم بــضلـع البتول الطاهـره
نموت نحـيه وي ولايــة حـيـدره
لاوحگ أچـفوف سبع الگنطـره
مــا نـعـوفه وخـل تـلـوم الـلـلايمه
لا حــيـاة بـــلا عـلـي ولا فـاطمه
~~~~~~~~~~~~~~~~~
نبقى ثــــوره ومـا يهمنه المستحيل
وأحنه غيرة فاطمه وحـامي الدخيل
شـمـا تـمـيـل الـدنـيـه خلـيهـا تميل
دمـنـه لـعــيــون الـزچـيــه نقدمه
لا حــيـاة بــلا عـلـي ولا فـاطمه
~~~~~~~~~~~~~~~~~
مـا تـمـوت أجروحنه التنزف حداد
لاوحگ موسى أبن جعفر والجواد
يبقى بـاب أم الحسن بــاب الـمراد
والـيحـبهـا يـنـول حـسـن الخاتمه
لا حــيـاة بــلا عـلـي ولا فـاطمه
~~~~~~~~~~~~~~~~~
مــا تـمـوت الـزهـره بعـيـون الحياة
والـمـدامـــع خـضرن دجله وفـرات
هـذا صوت يزلزل عـروش الطغاة
وإلـــي مـــا يـفـهــم فـكـرها نفهمه
لا حــيـاة بــــلا عـلـي ولا فـاطمه
««««««««««««««««««««««
رد مع اقتباس
المشاركة الأصلية كتبت بواسطة حــــْـْْـْــــلاوة
