السلام عليكم
بعنوان (دولتنة دولة خريط)
على شكل ردة من 8 مقاطع منفصلة
...
ثورة الفقرة تنهاب
لن الامل بيها ابواب
صاحت الناس بكل صوت
منريد دولة ارهاب
***
قشمرونة باسم الدين
گالوا احنه المتصدين
واحنة الحفظنه الاعراض
وانتم عرضكم بالطين
***
يا بو لعمامة كافيك
داخل سياسة انت شبيك
صرنة انعرف كلش زين
الخابطك ميصفيك
***
قتل وخطف وي تنكيل
تسلم شرط تصبح ذيل
ما ندري چنة الجبناه
ايطلعنة الياويل
***
دولتنة دولة خريط
خطبة وشعار وتفريط
مفتوحة للغربة وسيح
كلمن يجي بكيفة ايخيط
***
كلمن ياسس جيشة
من انعل ابوها العيشة
اليحجي يطلع مندس
ونافخ عـلينة ريشة
***
ما ردنة بس وطن وبيت
ايلمنة من التشتيت
فقر وتجاوز لاوين
يا ربي والله مليت
***
بس الوطن مرجعنه
نقصد ولاء وحبنه
يمتة يارب انشوفك
يعراق مثل الجنة
#رمـــاد
رد مع اقتباس
المشاركة الأصلية كتبت بواسطة ᓆjgᓄ⍺
