مو ذاك انت الاول
مو ذاك انت الاول صرت اخير الناس
ولا حتى الاخير طلعت من الحساب
استثكلتك ثكل طين بوجه عريس
بثكل اللثكة لبسمعة ابو المحراب
كبل بزة ابرتك تنضم عله الناس
كبرت رمح صارت بيش اضم لصواب
شكو ملاكاه اكرهه من يمر طاريك
كره مطلوب دم طاري اليطلبه انجاب
بوجهك سادة كرهت الكرم والضيف
من باب الضلع ماريد فتحة باب
كون اختار الاحلام التمر بالليل
خاطر ما انام وانت طالع طاب
مو كل زايد يسمونه زايد خير
لمن زاد خيرك شحت الاداب
صبع سادس طلعت وكلت صالح بيك
شمالك وي وضوئي وتلبس الهبهاب
كونك تفتهمها البشر عكس السيف
ينزع قيمته كلما نزع لكراب
جنت ناكع دمع من جنت اجلب بيك
من تنكع تجلب بالمتن لثياب
بس اليوم اشوي السمجة جوا الماي
من لجلاد اعرف اسم القرو لكتاب
من شمرة جدامك ادري جاي منين
بس زحمة اكلك جنت ياسرداب
ماشوفك بشر كدامي وكتي الضاع
درت عني وبقيت انحسب عالشياب
ريتي بلون جلدك كثر ما شم بيك
متندم جنت ماشم هوا الله الهاب
تدري الفاتحة بصفها العرس شيصير؟؟
وكفتك يمي من تشوف عندي مصاب
طحت من عيني طيحة كطرة بالتنور
وسبع حطبات يشمر بعدك الحطاب
وانا بية مجال وهِمّة ماضل بيك
المابي همة حكة يضيع لو طلاب
جنك ساعة اوكفك يمي تمشي هناك
يالماتنلزم ياحلم افقر شاب
كل شي يرد لأصله شنَفع تعبي وياك
سويتك ذهب وانت بخرابة تراب
وهنيالك وفي من باب قلة شان
دربك مانسيته رجعت عالكصاب
.
حسن التميمي
رد مع اقتباس
