والله اندمة قصيدة روعة
مماقراته وعجبني فاحببت ان تقرؤه
هاي القصيده على ولد وبنيه
الولد طالب ولبنيه كل ما تجيه قسمه ترفض من اجل الولد
والولد خلص الكليه وتعين وزوج غير وحدا مرت ايام صدفه
شافته البنيه الولد كلتله كلمه والله اندمك
والله اندمه مات جوة الكاع حبك من عكب ما جان نجمه
وشرجي صار العمر بعدك يال جنت بيامي نسمه
وحنه سبحه وطش خرزها وما نرد هيهات لمه
الدنيه جذابه وكيحه وهل وكت ما عنده ذمه
وانا حزني الجان جاهل من هجركم صار زلمه
والله اندمه
بيه وصلت انسه اسمي وما نسيت بيوم اسمه
وروحي بيني وينه صارت لاهي يمي ولاهي يمه
شما اريد الزمه عنك روحي ما تنطيني لزمه
والله اندمه
حصدوابستان وردك وانا حسره عليه شمه
وكالو المقسوم يحصل وانتضر تجمعنه قسمه
اولو سمعت اجدام مرت كلبي فرفح كال جدمه
والله اندمه
حسبت يذكر محبتي وبال بواجي اعيوني تعمه
ومن ينام بغير حضني ايصير تابوت على جسمه
بطلت عينك بواجي ورضت بشفافك البسمه
والله اندمه
شمعي نورته بطريقك ونته شمعاتك مضلمه
وكالي يا نوم الامامه وياحلم اوكلي الحمه
وكافي ونسلهم يكلبي هذولي مو اوجوه نعمه
تكتب ابدمك رساله يلي ما يسون كلمه
وبعد لا تحمدلك احد تالي هم تحتاج ذمه
والله اندمه
رد مع اقتباس
المشاركة الأصلية كتبت بواسطة spyman
