ﻭﻙ ﺭﻭﺣﻲ ﻣﻠﻴﺎﻧﻪ ﺑﺮﺩ
ﻛﻞ ﻳﻮﻡ
ﺗﻮﻋﺪﻧﻲ ﺗﺠﻴﻨﻲ ﻭﻣﺎ ﺗﺠﻲ
ﻛﻞ ﻳﻮﻡ ﺃﻭﺻﻲ ﺍﻟﻨﺠﻤﺔ ...
ﺗﻮﮔﻔﻠﻚ ﻋﻠﻰ ﺍﻟﺸﺒﺎﭺ
ﻧﺎﺭ ﺗﺎﺧﺬﻧﻲ ﻭﻳﻄﻔﻴﻨﻲ ﺍﻟﺒﭽﻲ
ﭼﻨﺖ ﺍﺭﻳﺪ ﺍﺭﺗﭽﻲ ﻋﻠﻴﻚ ..
ﻃﻠﻌﺖ ﺍﻧﺘﻪ ﺍﻟﻤﺮﺗﭽﻲ !
ﺁﺥ ..
ﺁﺥ ﻟﻮ ﺗﺪﺭﻱ .. ﺷﮕﺪ ﺿﺎﻡ ﻟﻌﻴﻮﻧﻚ .. ﺣﭽﻲ؟
***** ********
ﺷﻤﺤﻲ ﻣﻨﻚ؟
ﺷﺮﺳﻢ ﺑﻔﻀﺔ ﻋﺬﺍﺑﻲ ﻭﻟﻮﺡ ﻋﻤﺮﻱ
ﺣﺠﺎﻳﻪ ﻣﻨﻚ !
ﺷﺄﻛﺘﺐ ﺑﺪﻓﺘﺮ ﻏﻴﺎﺑﻚ ؟
ﻃﻮﻟﻚ ؟
ﻃﻮﻟﻚ ﻣﺜﺎﻭﺏ ﻣﺴﺘﺤﻪ ...ﻭﭼﺬﺍﺏ ﻧﻮﻣﻚ
ﻣﻦ ﺍﺟﻴﺴﻚ
ﺗﻨﻔﺮﻁ ﺣﺒﺎﺕ ﺭﻭﺣﻲ ﻋﻠﻪ ﺍﻟﭽﺮﺍﭼﻒ
ﺷﻠﻮﻥ ﺃﻟﻢ ﺭﻭﺣﻲ ﻭﺃﻟﻤﻚ؟
ﺷﻠﻮﻥ ﺑﻴﻪ .. ﺷﻠﻮﻥ ﺑﻴﻚ؟
ﺷﻠﻮﻥ ﺍﻓﺮﻓﻂ ﺭﻭﺣﻲ ﻳﻤّﻚ
ﻭﺣﺒﻪ ﺣﺒﻪ ﻣﻦ ﺍﺭﺩْ ﺍﺿﻤﻚ؟
ﺯﻳﺒﮓ ﻣﺮﺍﻳﺔ ﻟﻬﺎﺗﻚ
ﺣﺎﺿﺮ ﻭﻏﺎﻳﺐ ﻭﺍﺷﻤﻚ
ﻣﺮﺍﻳﻪ ﺣﺰﻧﻚ ﻭﺍﺷﺘﻜﻴﻠﻚ
ﻭﺍﻧﺘﻪ ﻣﻨﻚ ﺗﺸﺘﻜﻴﻨﻲ
ﻳﺎﻫﻮ ﺑﻴﻨﻪ ﺍﻟﻴﺸﻜﻲ ﻣﻨﻚ؟
شمحي منك ..
***** ********
ﭼﻨﺖ ﺃﺩﻭﺭﻟﻚ ﺑﺮﻭﺣﻲ ﻋﻠﻰ ﮔﻤﺮﻩ
ﺗﻔﻴﻲ ﻟﺴﻨﻴﻨﻚ ﻭﺗﻨﺜﺮﻟﻚ ﺳﻌﺪ
ﭼﻨﺖ ﺃﺩﻭﺭﻟﻚ ﻋﻠﻰ ﻏﻴﻤﻪ ﺯﻏﻴﺮﻩ
ﺗﻄﺶ ﻋﻠﻰ ﺃﻳﺎﻣﻚ ﻭﺭﺩ
ﭼﻨﺖ ﺍﺳﺎﻣﺢ ﻭﺍﺷﺘﻜﻴﻠﻚ
ﻳﻠﻲ ﻏﺎﺭﮒ ﺑﺎﻟﺪﻓﻮ
ﻭﻙ ﺭﻭﺣﻲ ﻣﻠﻴﺎﻧﻪ ﺑﺮﺩ
جمعه الحلفي
رد مع اقتباس