مادام هيچ يلعبون بمشاعر الناس لعد اجزم كل خبر عن كورونا هو كاذب مع احترامي لمن ينشره بحسن نيه لكن من المفروض ان لا نصدق كلما يقال
مادام هيچ يلعبون بمشاعر الناس لعد اجزم كل خبر عن كورونا هو كاذب مع احترامي لمن ينشره بحسن نيه لكن من المفروض ان لا نصدق كلما يقال
شكرا لكم
دُمتَمْ بِهذآ الع ـطآء أإلمستَمـرٍ يُسع ـدني أإلـرٍد على مـوٍأإضيعكًـم
انتبه.. هذه الصورة تتداول على انه طبيب يمني وبعض الصفحات تقول على انه طبيب مصري. ولكن الحقيقة: هذا البطل امامكم هو عراقي وهو احد كادر الجيش الابيض واسمه (وسام الغزي) وهو ممرض فني وليس بطبيب. #تنتهي_ويانة #it_ends_with_us #Tech4Peace #T4P
سلمت الأيادي... شكرا لك ست سوزان
بالأيام الاخيرة صار الكثير من الكلام على العلاج الروسي للكورونا. حبينا نوضح شنو هذا العلاج ومدا فعاليته.
قبل لانبدي، التحقيق هذا مبني على المصادر الطبية والمواقع الرسمية الروسية (وهي المترجمة للغة الانكليزية) اللي هي نشرت الخبر وكذلك عن طريق البحث في المنشورات الطبية.
١. ما هو هذا الدواء؟
اسمه افيفافير Avifavir, هذا الدواء هو تطوير لدواء اخر اسمه favipiravir, عبارة عن مضاد للفايروسات انتج اول مرة قبل سنين من قبل شركة يابانية وكان مرخص بس لعلاج الحالات الصعبة من الانفلونزا.
٢. شجابه لعد عالكورونا؟
شركة روسية اخذت حقوق الدوة وكالت خل نبدي نجربه عالكورونا بما انه هي كلها فايروسات. هذا الشي طبعا ديصير بكل العالم انه يجربون ادوية موجودة للفايروسات ويشوفون بلكي تشتغل على الكورونا.
٣. المهم يشتغل عالكورونا لو لا؟
طبعا كل معلوماتنا عن الدواء مصدرها تصريحات الشركة المصنعة اللي طلعت للاعلام وكالت يابة ترة دوانا خوش دواء. تجارب اولية بروسيا على ٤٠ مريض شافوا انه من هذولة ال ٤٠ مريض، ٢٤ مريض اللي اخذوه وكان تحليل المسحة موجب خلال ٤ ايام من استخدام الدواء والمسحة صارت سالب. ايضا لاحظوا ان الحرارة تنخفض اسرع للمجموعة الي اخذت الدواء . ايضا قالوا خلال ١٠ ايام هذولة ال ٤٠ مريض من عدهم ٩٠ بالمية المسحة صارت سالبة.
قبل كم يوم وزارة الصحة الروسية كالت خلص خلي نسمح باستخدام هذا الدواء لمرضى الكورونا بالمستشفيات الروسية (رغم انه الدراسات اللي عليه لا زالت مستمرة وما انتهت).
٤. ليش ماجربوا على عدد اكثر من الناس؟
التجارب العلمية مستمرة والمفروض هم يطمحون الى تجربة الدواء على ٣٣٠ مريض قبل الوصول الى نتيجة نهائية .النتائج اللي طلعت بالاعلام هي نتائج اولية وليست نهائية. روسيا الحالات عدهم وصلت اكثر من ٥٠٠ الف ولهذا يردون اي شي ينطي امل فلهذا اعطوا تصريح مستعجل باستخدام الدواء رغم انه الدراسة ما اكتملت.
٥. وهسة بروسيا شنو دينطوا لمرضاهم؟
قبل كم يوم وزارة الصحة الروسية اعتمدته بصورة مؤقتة بسبب النتائج الايجابية اللي ادعتها الشركة المصنعة، المفروض لازم ينطو ل ٣٣٠ مريض حته يدرسون فعاليته واعراضه الجانبية ومن يوصلون هذا الرقم نكدر نكول انه النتائج تكدر نعتمد عليها وناخذ بيهة.
٦. دكتور دوختنا هسه يشتغل لو لا؟
تردون الصدك، صعبة واحد يبني اي استنتاج من الكلام اللي انتشر عالدواء! صح التقرير الاولي يبشر بخير حسب ما انتشر بالاعلام الروسي بس هذا مو كافي حتى نكول هاي هي حطينا ايدنا عالعلة.
ابسط مثال دواء الهايدروكسي كولوركوين اللي قبل فترة نكول عليه خوش دواء وننطي لاهل الكورونا والرئيس الامريكي طلع كال اني اخذه، النتائج النهاية للدراسات مجانت مبشرة لان شافوا المرضى اللي ياخذونه ديموتون لان ياذي عضلة القلب وهسة الدول اللي جانت تستخدمة كعلاج بطلت تنطيه.
النقطة الاولى انه هاي النتائج الاولية المبشرة اللي تداولها الاعلام الروسي هي مشاهدات للمرضى لمدة ١٠ ايام فقط، وهذا صعب تبني اي استنتاج لهيج فترة دراسة قصيرة.
النقطة الثانية خلي بالكم انه اللي ديكول انه هذا الدواء زين هو الشركة اللي مصنعته (مو الاطباء الروس اللي ديسون الدراسة - لان الدراسات عليه مخلصت ولا زالت مستمرة الى ان يوصلون ٣٣٠ مريض يجربوا عليهم).
لحد الان ملكينة تصريح من جهة طبية او بحثية حول هذا الدواء لان عالاكثر صعبة توصل لاستنتاج علمي دقيق قبل لا تفحص الدواء على عينة كبيرة من المرضى.
النقطة الثالثة، مبدئيا، اهم شي باي دواء هو انه نعرف انه يقلل الوفيات او مثلا المرضى يتحسنون عليه سريريا بصورة اسرع (مجرد انه الحرارة تختفي او المسحة تصير سالبة مو مقياس ابدا - ممكن هذا الشي يصير بمرضى كورونا بصورة تلقائية وهذا شي احنة شفناه هواية بالردهات). هذا الدواء اللي الشركة دتكوله هو انه اذا المسحة مالتك اذا ايجابية لمرض الكورونا هذا الدواء يخليهة سلبية بوقت اقل (بس لا تنسون اكو ناس بيهة كورونا ومسحتهة سلبية اصلا والتشخيص يكون عن طريق المفراس، بعدين هذا مو مقياس منو يكول المريض صار زين منو يكول ماتتدهور حالته منو يكول ما تطلع مشاكل ورة فترة ال١٠ ايام).
٧. اذا بعده بالدراسة لعد شكو خابصينا بالاعلام؟
يمكن لانه احنة دنتعامل وي مرض جديد منعرف شلون نعالجه فالعالم يرحب باي نتائج ايجابية حتى لو بمراحل اولية من الدراسة. لا تنسى انه هي الشركات دتتنافس بيناتهم لايجاد اي دواء جديد للكورونا وارباح الشركات تزيد مجرد ما تطلع اي نتائج ايجابية حتى لو مبدئية. الشركة الروسية بدت تصنع اعداد كبيرة من هذا الدواء واتفقت مع اكثر من ١٠ دول لتصدير هذا الدواء ، بمجرد الاعلان عن انه اكو نتائج اولية مبشرة.
الروس كلش متفائلين بالإعلام واحتمال يطلع خوش دواء وهذا الشي كلنا نتمناه بس احتمال ايضا يطلع مايفيد وقد يطلع مضر. منعرف ومراح نكدر نعرف هسة. حتى نقرر انه هذا الدواء يخدمنة او لا، لازم ننتظر نتائج البحث الطبي تخلص او عالاقل نعرف تفاصيل اكثر حول النتائج الحالية وشلون توصلولها.
المصادر
https://rdif.ru/Eng_fullNews/5224/
--
https://academic.oup.com/jac/advance...kaa171/5838326
--
https://gmpnews.net/2020/06/avifavir...t-of-covid-19/
--
https://www.businessinsider.nl/jama-...onal=true&r=US
--
https://www.independent.co.uk/news/w...-a9542191.html
--
https://uk.mobile.reuters.com/articl...mpression=true
شكرا جزيلا
#توضيح ...
إنتشر مقطع فيديو مرفق بخبر مفاده:
(#عــاجل : عشائر " العساكرة " بالناصرية تهدد بالسلاح وتحذر جهاز مكافحة الارهاب من دخول المنطقة).
#الحقيقة:
مقطع الفيديو يعود لعام 2019 ونُشر تحت عنوان "هوسات قبيلة البدور".
علماً ان هنالك فيديوات حقيقية لحمل السلاح في محافظة ذي قار.
المصدر
التقنية من اجل السلام
شكرا لك
رد مع اقتباس
