العراقيين اكثر ناس محافظين على البيئة !!!!
العراقيين اكثر ناس محافظين على البيئة !!!!
إذا خلص الشامبو يحطوله مي
اذا خلصت علبة الماكنتوش يحطون بالعلبة اغراض خياطة
إذا خلصت علبة النيدو يخلون بيها شكر
إذا خلصت علبة الجبن الكَزاز غسلوها و خلوھا كلاص
اذا خلصت تنكة الدهن فإستعملاتها كثيرة (( يا يحطون بيها تمن لو برغل لو حبية او يكلبوها على راسها ويسووها كرسي ...او اصحاب المهن الحرة مثل النجاريين والحدادين والفيترجية يثقبون الصفاح مالتها ويحركون بيها خشب او حطب ويدفون عليها ))
واذا خلصت كونية الشكر او التمن يعيدون خياطة الكيس ليكون علاكة قويلة وتوسع كومة اغراض .
واذا انكطعت الفانيله ،شكوها نصين وسوها وصله مسح
واذا خلصت قنينة الغاز بطحوها عالعرض الى ان يطلعون روحها
وبزر الركي لو البطيخ ما يذبو بس يغسلوا وبعدين يقلوه بالطاوة ويكعدن اباب البيت ويجرزن ....ويدكون سوالف عالناس
وفي أيام الحصار اللعين ما يذبون قناني الماي الفارغه بس يكصون جعكب البطل ويسوها محكان ويترسون بيها بانزين للسيارات
محد محافظ على البيئة مثل العراقيين كل شيء يسووله إعادة تدوير
لا و ازيدك من الشعر بيت اي شخص أول مايفتح الآيسكريم (الموطه)، لازم يلطع الغطاء مدري ليش بس تحس أنه من ضمن التعليمات.. يرجى لطع الغطاء جيدآ
رد مع اقتباس
حلوة
