افراگک غییر الوانی وسلهه
و فگدک فجر ادموعی وسلهه
روحی بیش اصبرهه وسلهه
علیک امکدره ونصبت عزیه


ظعن مد البصر گفا شتایوم
الگیض ابعشرتک ساعه شتایوم
بید المبغض ایودی شتایوم
و بید الصاحب ایرد ابتحیه


نشف من شفتك اويه الغير
ميعين
غرامي وشخصي لحظه اعليك
ميعين
مو جدمي...النفس بجفاك
ميعين
امن اتهله اسبوع اتاني ويرد ليه



الشیب ابشعر راسی حین مسحات

ولاهم عن دلیلی الربع مسحات

العدو ابحدنه ایتنگه احساب مسحات

ابیه امکسره ابهای الثنیه



علي شي الجره لحد مجاراي
وحفر دمع الجوى ابخدي مجاراي
ردت راي اليجي و ينفع مجاراي
وغزه فكري الهوى وتم خلل بيه
سيد قاسم السيدفاضل آلبوشوکه




حلات الرجل مایلفض من البد

ولابل موزمه یجفی من البد

یگول الهضم یلحگنی من البد

اموت اولایمر شامت علیه



ابجدرالقهرمل گلبي من الفر...

الأسود أترکت منزلها من الفر...

یا چرخ الدهر ما بسک من الفر...

و على الطیبین دوم اتریدحیه...





مشوف ابهل وکت یاصاح خوفــی
ویروحی الجدم لـلـهجران خــوفی
گـلـت مـامـاشـی الغـبـران خــوفی

تـطـگ ارواحـهـه اتـحـمـلنی دیــه