ماشي بدربي دون ماحط يمه
على شواطي حزني اللي خذاني
مكسور قلب وزاد بالصدر غمه
ماعاد تاسع للطعون المحاني
حتى غسلت الجوف من كل همه
ورجعت في دنياي ب احساس ثاني
انا انولدت ومركزي راس قمه
وعاهدت نفسي بالوفا والتفاني
مانزل تحت و اللي تحت ما اذمه
يعني اللي يبغيني يجيني مكاني
الله خلقني فوق ماني بـ رمه
ماحد امرني في الحياة ونهاني
لحظة وكلامي بالفخر في متمه
اسدل ستار اشواقنا لو ثواني
صدفه بلا موعد ومريت يمه
ضاع الحكي ضاع الشعر ضعت اني
وِلك نسيت وهيج يلسع بسمه
شتريد وانطيك العمر والاماني
شقد اموتن بيك مسلوب يمه
حتى حجي بغداد لخبط لساني
ماهو عراقي في سعودي عرق دمه
لكن ملامح شوفته شيء ثاني
كنت اتمنى يوم وقفت ثمه
دقايق الساعه توقف عشاني
في روض خده ورد من هو يشمه
ينسى معاناته لو انه يعاني
ذمه مديح ومدح غيره مذمه
ملامحه حلم وشموخه اماني
وصفه صعب لو يجتمع شعر امه
لا زهير بن سلمى ولا الاصفهاني
من اجمل اشياء الحياه المهمه
وجوده وترحيبته لا دعاني
اجمل حكي مخلوق من حكي فمه
كن الحروف تسابقه لا دعاني
لاني بولد خاله ولا ولد عمه
ولا على ادري وين حظي رماني
تعبت اخبي سيل دمعي واضمه
وانا اشتحن لمواجهه لو ثواني
لاشفت غيم الجو من كل يمه
يطري علي وجه(ن) غرامه خذاني
رد مع اقتباس
