هنا

[فقار الكرخي]

نعش غنه ...سمعت ونه
واجيت اركض!!

اجدامي گوه اخطنها ...
بس انه ولا چني اجيت اركض!!

الستاير حركت
بهداي...بهداي ...
بعيد الصوت من دربونة التابوت
وگالولي جفانه ابيض!

وگتلهم شوكت تفض؟
سكتو...وارتعش بيه الحنين وكض
الصفاحي ترض...

نعش غنه ..سمعت ونه
واجيت اركض!!

وصلت الباب سكته
ولا نفس بي صوت
بس بيه الگلب ينبض!!

ويم الباب !
جداحه ...وقلم مكسور ..اوراق..و حزن فانوس ..
كضيت الاوراق بجرحي واتفضفض !

نعش غنه...سمعت ونه
واجيت اركض!!

فتحت الباب
ولگيت بكل درب صورة!
وتوليت الاصابع عظ !
شوكت تفض!!
سكتو
وارتعش بيه الحنين وكض
الصفاحي ترض!!

وبعيد الصوت من دربونه التابوب
گالولي جفانه ابيض!

بس انه ولا چني
اجيت اركض!!

ولميت الصور بهداي اي بهداي!
بس اگزازهن ما خله شي بهداي!
واجيت بطرگ حزني ولا فرح وياي!
وخميت الظروف اهواي!
ولو تقرا الرسايل بالصفاحي تكض!!
نعش غنه ...سمعت ونه
واجيت اركض!!

واتعدت عله دروبي
عتيجه اجنازة الخلان!
وقريت الفاتحه بروحي
وهوى واوراق تعبانه
مكتوبه بقلم چتال
قريت...لاقريت
بس خايف ولا چني حرف الفظ!

وركضت ابساع موش ابساع !
لعد كوخ السنين اهناك...!
ولگيت
ألبوم..فانوس ..و خمر متروك!!
وشفت حظي ولا بي حظ!!

ورديت عله درب الجابني بحزنه!
وتوليت الاصابع عظ !!
بس انه ولا چني رجعت اركض!!





فاطمة الصالحي

[انثى مخمليةة]

روعه