الجامعة داومت بها اربع سنين
طبعا بعضهم بالغرور إتـْهـِموني
* * * * * * *
تدري بدوي صعب التعايش ولا ألين
ولا هو ضروري المجتمع يفهموني
* * * * * * *
اذكر عدد طلابنا كانوا الفين
شافوني ماني يمـّهم واتركوني
* * * * * * *
والنوب لحية زودت بلـّة الطين
المهم قاموا كلهم يكرهوني
* * * * * * *
ماغير طالف رافقاً مزهر حسين
وعقبه بعد طلاب قامو يجوني
* * * * * * *
سمعوني اسولف عالصلاة وعلى الدين
وكل ساع ياتوني ربع يسألوني
* * * * * * *
والموقف المحرج حصل يوم الأثنين
بـنـتـيـن عند المكتبة ينطروني
* * * * * * *
وحدة بأدب قالت مطوع اهلك وين؟؟
قلت انتي وش دخـّـلـك في شؤوني
* * * * * * *
قالت لي عفوا بس عندي كلامين
عمرك شفت في عصرنا يشبهوني؟؟
* * * * * * *
الله يجيرك يوم بـحـّـرت بها زين
وقفن عن الترميش ساعة عيوني
* * * * * * *
وحاولت ابـيـّن ما تهزّ المزايين
لكن توضـّح من تعابير لوني
* * * * * * *
والراية السودا تـظـل للشياطين
بغيت اصدّ من الحيا وشجـّعوني
* * * * * * *
ألعن ابو حيك وَلـَك هذي منين؟؟
يا الرّبـِع خدّها مثل برق المزوني
* * * * * * *
من صرت ما شايف بنات السلاطين
لكن اقول بحسنها يعذروني
* * * * * * *
والله لو ما سَوْلـِفَتْ لاا عـَلـَيّ دِين
لا قول هذي مو بشر شي كوني
* * * * * * *
لا شبهرت قصـّت لي القلب نصـّين
اهل الكفر لو شافوها يسلموني
* * * * * * *
من زينها جيران اهلها مجانين
سولفتها لشيـّابنا وكـذّبوني
* * * * * * *
وصلـّى بهم شايب قرا سورة التين
يوم أعـْرِضَت قال للنشاما اقضبوني
* * * * * * *
الـ ما يصدق منـّكم يصبر شوين
يشوف هذي صورتها بتلفوني
* * * * * * *
الله عليكم لا تصيبونها بعين
وان كان ما سلمت معاها ادفنوني
رد مع اقتباس
