يـ ليـل الله دخيـل الله
حـرگ خـدي دمـع عينـي
يبس غصنـي مشـه الغـالي
وبـدت تذبل رياحـيني
" بقت بس الصور بيـدي واطالعها
حبيبة عمري مـا أگـدر اودعها "
وره الزهره ، متت حسره
چنت انسى التعب من تگعد اگبالي
بچيت اشگد ، جرحت الخد
صرت سعفة ويهز بيها الهوى العالي
اغسلها ، وأون الها
عزيزة ولازم ادفنها ابوسط بالي
مشت عني ، ولا چني ، علي ذاكه القلع خيبر
اعله جرحي امشي ، افگدت كلشي ، وعلى الفرگه بعد مگدر
اشيع روحي مدري الزهره اشيعها
حبيبة عمري ما أگدر اودعها
***************************
عشت بالآه ، صحت ويلاه
يلوعني سواد الليل من يگضي
أريد وياچ ، گمت بجفاچ
اصلي بالجلوس ابغيبتچ فرضي
صدى ونيني ، يحاچيني
ليالي الحلوة شو ابسرعة صحت تمضي
يوجه الخير ، صباح الخير
اشكثر حلوه التجي منچ
انوح اعليچ ، نفس مابيچ
بديه اشلون اشيلنچ
تباعدنه وليالينه اشيرجعها !!
حبيبة عمري ما أگدر اودعها
***************************
يماي العين ، إذا ترحين
اظل ابحيرتي واظلم يصير الدار
اختلف وضعي ، وكثر دمعي
ومثل ضلعچ نبت وسط الضلع بسمار
وحگ بختچ ، لمن شلتچ
علي الكرار چن شايل علي الكرار
حبيبي الراح ، اظنه ارتاح
لنوح سنين يم گبره
غزاني الشيب ، الجرح ميطيب
حزنت شگد على الزهره
تره اشباح القدر زينب تروعها
حبيبة عمري ما أگدر اودعها
***************************
كلمات الشاعر : تحسـين الخفـاجي
تحمــيل
Download
mp3
رد مع اقتباس
المشاركة الأصلية كتبت بواسطة بـــراءة
