هنا

[فقار الكرخي]

أربعينية شهداء الناصرية
.
يا صاحبي شلونك بلياي
ناسيني ؟ لو ضل گلبك وياي !
متعوب أعرفك لچن وفّاي
چفك خشن ويتعّب الماي

جرحك ثگيل بثگل الوداع
ماي بشتا ، ماينشف بساع
بأول السوگ وطولك انباع
خطوة هلا وشرايتك گاع

يافيض يالحسنك بساتين
وردة ودفـنّـتك بالسنادين
بصورّك نعلگ الـدرابـين
يا دمعة يالـ ما شالتك عين

شمحلاك من تركض لموتك
يا سبع يا مفخرة اخوتك
يا گاع تتحـمل سكوتك
يالـ صوت كل الوطن صوتك

ياصاحبي
شلونك بالـغيّـاب
وشلون متحمل بلا اصحاب ؟!
سولفلي ! ماكو بگبرك ابواب !
نزورك ونبچي دموع وعتاب









ياسر الانصاري

[هيڤين ']

الله

عشت فقار

[أستثنـآئيـّةة❤️]

روعه

[ريـــم]

حلوه الله يرحمهم ان شاء الله