ومضات ، دارميات ، قفشات بصراوية ، اشعار قصيرة ، اروع الاشعار العراقية
خَشن حزن الليل كلش
حزن مَربوط بحزن ..
مظفر النواب
گظت روحي
گظت گظية جگارة مورثة بحرگة
شعلها وما شربها احد
محسن الخياط
صوف بحلگ مغزل صرت ..
وشما فرغ يطويني
كاظم اسماعيل الگاطع
احنه خلانه وكتنه
تراب بحلوگ الرحي...!!
عريان السيد خلف
عگب ذاك الترف
ياحيف ذلت كل أمانينه..!!
شاكر السماوي
يا ناگوط بارد والوكت تّـموز
ما عندك نداوه؟ عروگنه احترگن
عطا السعيدي
احنه مثل الماي صفانه العذاب
ولو شرب من ماينه معلعل يطيب
صاحب الضويري
وروحي بيدك سلمتها
وگمت ارخي شما تجر
كاظم خبط
تسافر للشمس
تحصد ضوه للناس
ترجع محد متانيك..!
علي الشباني
الغيم يبجي وينسمع ون الگمر
وين اشر اجروحي والدنيا مطر
غني محسن
غيب حتى اليشتهي عيونك يجيك
سعود الخفاجي
لو نسيت وردت احبن هم احبكم من جديد
ناظم السماوي
يا عشگهم
هيل ماعبرت سنينه..
شما يمر بينه العمر يكثر حنينه..!!
زامل سعيد فتاح
العطش ديرم شفاف
سنين عمري وما شكيته !
لطيف العامري
وبگت مدفونه بعيوني محاچي هواي
ذياب گزار
أحن واصفن
وادنّج عالجرح وابجي
عبد الكريم القصاب
دگ گلبي وضنيت الباب...
رياض النعماني
من حلاتك گمت أحب روحي التحبك
محسن الدخيلي
چلمات المعاتب گضن
وإنت اعله طبعك ذاگ •
زهير الدجيلي
إحسك طيف يتثاوب تعب
وينام بچفوني
غانم الفياض
وانه ذاك الشگگت زيجي اعله طيفك ..
غازي ثجيل
امس زرت السوالف والمواعيد
بعدهن عالجسر كلشي بمكانه.!
سمير صبيح
آنه اعيوني ماي وجفني خفگة طير..
كلما رمشن ابفرگاك ينسطرن.
عباس العبادي
هو انه عايشلك لان ..
دمي الاعز ما بالجسد بس انت تعرف عازته
من مايحس بلمستك يخلص وتبقه وشالته
ايهاب المالكي
يالمگابلني وين مشرِّد عيونك.؟
أنت شويه وهواي اليحبونك
عقيل العرد
لِگيت المَاي گله بين أصابيعک
ولا چِني طحَت عطشِان مَن أيدک
عباس الغالبي
مو ذاك خلگي الفضي
باعوني واتغيرت
ماعندي خاطر بعد ياهو اليجي يكسره
ميثاق الهلالي
رد مع اقتباس
