هنا

[فقار الكرخي]

اجاني الموت غفلة بشكل ماي وطف
واخذ وين العزيز اعله السفر هرف
وحملني الثكال الماحملهه الطود
شثكل حجي الكتب ماهدل متن الرف



جهال اهواي بيك وشحة بالاباء
اهو يخالف واحنة نكول ميخالف
احلفت قرأن تلغلي الذبح شو زاد
جا شيصير اذن لو عالطبر حالف



تنتظر من؟ واكف اباب السنين
وعايش بلا راي ومتاني اليجوك
وانتة بس دكة كلب وتلح عليك
لا تسد الباب بلكي يرد اخوك



كبل ماننتخبكم للنجف ترحون
وعلي ! تنسونة ترحون لرجال الدين
وترجعون بكراسي ونمشي بالتابوت
نتلاكة خشب بس النواية اثنين
خشبكم بي درب للمنطقة الخضراء
وخشبنا نروح بي للمكبره مغبشين




امي تكلي اركد يا جرح ياذيك
كافي تنوح يبني اصوابك يهدني
شجاوبها وشكلها الونه تذبح حيل
ما مجروح يمه الوطن يوجعني



مــِْن ادم الهذا الًيَوُمًِ
شنهو الشفنة غير الدم
اول قطرة مــِْن هابيل
الاخيرة ربك اليعلم
عجيبة ياوطن لليوم
جرحك صاير مثلم



يزاتوت الزلم ريض
لاتسگي النوايح خل عرجهه يموت
قلم كحلة عمرنة وينثلم بالقط
مٱذن كَبرَت
والريح جاب الصوت
حي عل القيامة وحان وقت الموت
حي عل المگابر والجثث والدود
حي عل الترس جيبه بوطن فرهود
قد قامت ضماير ماتخاف الله
ضماير سود
ضماير كلشي ماسمعت
ضماير جاعت وشبعت




اضن هذا الكبر درن ثداياي
واضن زعلان مني وجهك اهواي
فكولة الكبر خل يحجي وياي
تحجي اوياي لو اكشف المستور
و اشمر شيلتي واتعيرك اكبور
انة توني عرفته شنهو عاشور
شدو راحتي برجلين عصفور




حفنة من كبر الشهيد اتراب سوينا تتن
ردنا يشربها السياسي حتى يدمن ع الوطن
كال عذرا اني أدخن تلك ابيب
تسوي شحطة أم الوطن




فريضه اني بمضيفي الدله هيل تفوح
وع الساتر تفكتي تفوح بس دخان
معلم ع الحرب متيمم ابارود
وصلاة النصر اصلي شما سمعت أذان
تره الشيطان يركب راس كل مختاض
وانه من اختاض اركب راسه لشيطان

[انثى مخمليةة]

راائع جدا