هنا

[فقار الكرخي]

ندمان گد ما رحت
كونك ترد واعتذر....


اي ودي اشم الجنط
الـــ مليانة ريحة سفر...


شگد صيحت من رحت
ارجع لفك النذر....

شديتلك چم علگ
بشباچ گلبي الخضر.....


الكبران بية گبل...
لا هسه مات و زغر...


ارجع لكف الدمع
وأترك طواري الصور....



عطشان وجهك هلا
ملگة البلم للنهر....



ويالماشي ذاك الحلم
ينراد كومة سهر...



اتوليت اصبعي ندم..
ارجع يمدري شكثر...



ونيت حد الضوا
لا سچة حنت عليه
بجيه قطار وعبر..



ولا گلبي رد لهله
ونام وي ضحكة عمر...



ذنبي الجزيتة اغلطت
غلطة شرف للستر....


بس بعد ما لحگت
لا توب عن الذنب
لا كملت بالغجر...



واني اخسرت واتعرف...
ما مره عاش الخسر...



وگتلك واگولن بعد
ندمان گد ما رحت
كونك ترد واعتذر...







م

[صفاء العامري]

شكرا فقار الحبيب

[ريـــم]

يالماشي ذاك الحلم ينراد كومة سهر ....ابدعت وربي

[انثى مخمليةة]

جميل ،،،

شكرا فقار