ضوه ملثم
وره الشباچ
متبرهچ حچي الوينك
واجيت انت
واجه وياك التعب والشيب والياريت

اجيت انت وانه متانيك بلكي يفز ضمير الها
اجيت انت وبچه گليبي
بچه وطاح الدمع من عين الامتاناه

مرات الدمع لگطه
تواسيل الگبر بالناس
معاملة اليجيني فراك
متبدي الشِته بحظني
وتمنيتك والخلگ ظاگ

اجيت انت !
وبدت ثورة حچي الشمات
والگاله اعله كل السان
وحسبتك تحب ناسك
ليش وياي وانه ادريك
مو انت التحط لچمه بگلب ناسك

يبوعيون الوسيعه الما تحب كحله
شيحس التمر عينه عله عيونك
ياچالي ونزيز وشاطي يادهله

ابلا "كحله" اليشوفك يتعب ويشتاگ..
السواد النابت بگلبك كحل وزواگ
الدمع لزگه.. ويطيح برگبت المتعوب

چاليش .. الفقير احلامه متلوحه
الحمدلله الدمع موجود
چا هسه الرمش ينهش شكو بروحه

الضرف سيد !
تبوس ايده وتودي بگلبه مشية وين
وانت متاني عالشباج
وترد ليك الحمامه وظرفك مشگك
وترد بحروفك تلزگ

وترد للزاجل وتنشد
منهم ماكتبلك رد
تدنك والدمع نيشان
من عدهه وعرفت الساده هم تنرد
من عدها وعرفت الساده للحلفان

اشما يندگ علينه الباب
اذكر دگتك وياي
من گد البچي الباليل
كرهت اشرب لذيذ الماي

ما يدرون ..
اثر جدم الدمع .. قسمه!
ما يدرون ..
بصدور الشبابيچ الهوه لچمه

اجيت انتَ حمامه بليل تارس گلبك بخوفك
واچيت انه ضوه ملثَّم اخاف الوادم تشوفك

ياشيب العبر عمري شصلف گلبك
ولهسه شما اريد اقراك
اتيه باول حروفك
واگلك يا حلم روحي الدرب منا
اخاف اتيه بدربك

ويرد يعرض حچي القسمه
ويرد ذاك الهوه ولچمه







غيث ال علك