هنا

[رمـْـْْـْــــــــآڊ]

السلام عليكم



من المستفيد من اشعال الحرب مع امريكا ؟

.....
رايي الشخصي



نرجو النقاش بمنطق تحليلي للاحداث

[فقار الكرخي]

خما كل الشعب ضد امريكا .
هسة مو هاي المظاهرات واكيد مو كل الشعب وياها

هي مو ديمقراطية ويحق للناس تتظاهر ؟
على امريكا او على ايران كلمن عندة غاية وطالع يتظاهر عليها


اما حرب . مع منو ؟
اذا نحجي اصول ومنطق
اني عراقي . انت شعندك جاي من امريكا وتتعارك ويايه على امور تخصني اني ؟



موضوع رائع احسنت برهم العزيز

[رجل كل العصور]

حشدان... وحكومتان.. ومحوران... وامريكا وايران
الطبقه الفاسده التى جاءت بها امريكا فى 2003...
حان اوان استبدالها...
سوف لن تحدث اى حرب

[دكتور جميل]

المعادلة غير متوازنة لأن الشعب منذ البداية قد طلّق كل من أمريكا وإيران وكل اذنابهم بالثلاثة.
بل لنقل:
* اضرب المصالح الامريكية(وليس الايرانية)
* يضربك الامريكي بالمقابل
* يعتبرك الشعب مظلوماً
*يشجب أذنابك المتظاهرين ويستخفّ بعقولهم
* يتركك الشعب تنهب كما تشاء كي ترد الصاع صاعين للامريكان
..... بس عليمن؟

[ابراهيم حسن]

كل السيناريوهات وارده فمنها ان لعبة المظاهرات اتت بثمارها من جانب والاخرى ان امريكا بدأتها وهي التي تنهيها بأي طريقه او وسيله تعددت الاسباب والخاسر الشعب العراقي فقط

[☆Mohammed☆]

العمام انطوهم اذن بالتظاهر والا يشورن على اذاناتهم بصل بنفسجي

[☆Mohammed☆]

جميع قادة الميليشيات في العراق تعبر الخضراء للتظاهر أمام السفارة الأمريكية ركز شوية 90 يوم اي متظاهر عراقي ممنوع يعبر جميع أنواع الدخانيات والقنابل الصوتية والماء الحار والرصاص الحي تم استخدامها ضد المتظاهرين السلميين ناهيك عن القتل والخطف إلى يومنا مستمر يوميا تثبت هذه الدولة انها ذات سيادة إيرانية شئنا ام أبينا.

[انسان ثاني]

ماكو اي تحليل غير المذكور بصورة (البوست)
القضية واضحة و صارت مسرحية مكشوفة ما بيها اي حبكة من المؤلفين
الى درجة بصراحة من شفت التظاهرات الي طالع بيها الخزعلي والعامري متت من الضحك
شتحچي و شتگول يا رماد ؟
الي حيصير هو مو جديد عليهم راح يتم الطعن بالمتظاهرين الشرفاء و ربعهم يركبون الموجة و راح نرجع لنقطة الصفر
(عمي هاي فلوس گاعد تندفع بالمليارات ) و القادم اسوء بالتأكيد
لكن ما عدنه غير ان نصبر و نثق بالمتظاهرين الشرفاء و نتمنى منهم عدم الانسياق لهذه المهاترات

[أغرد بهمس]

الامور مكشوفه وجدا ايضا الخضراء محد كدر يوصلها شمعنى اليوم وصلو وخيمو ومحد نقتل ولا نجرح
ضربو امريكا وامريكا ردت بقوة يردون يحرفون مسار التضاهرات ونبلش مع امريكا وننعلس بين قوسين
مصالحهم نضربت اقتصادهم تدمر
ف سوو هالحركة حتى يخربون كولشي
بس الشعب واعي
ومراح تمشي عليه هاالاعيب
كلش واثقه منهم حيبقون يطالبون ب وطن وك عراقيين وفقط

[Scrap]

مثل منگول إيران ضربت عصفورين بحجر