هنا

[فقار الكرخي]

السفينة ممكن تغرق بطريقتين :

الأول: إنها تغرق بطريقة عمودية....

يعنى من غير ما تنقلب
و ده من اسبابه:

1- دخول المياه داخل السفينة بعد إصطدامها بسفينة أخرى أو بجبل جليدى مثلا
بعد الإصطدام المياه التى تدخل السفينة تؤدى إلى زيادة وزنها weight عن قوة دفع المياهBouyancy و بالتالي تغرق
مثل ما حصل مع تايتانيك....تايتانيك لم تنقلب
صحيح مالت كثير بس ما إتقلبت 180 درجة .



2- دخول المياه داخل السفينة بسبب فتحة فى خزان tank متهالك
بيكون سبب دخول مياه إن فيه عنبر او تانك قديم مليئ بالصدى بينهار و يسمح بدخول المياه .

3- المياه الناتجة عن عملية الإطفاء
عادة ما بيكونش الحريق هوا السبب المباشر لعملية الغرق...بالعكس ممكن المركب تتحرق عن آخرها و برضه تفضل عايمة (إلا لو كانت خشب).
لو مياه الإطفاء زادت عن حدها و كانت المياه دى متوزعة بإنتظام على جانبى السفينة...يبقى المركب ممكن تغرق .

4- فقد المحرك الرئيسى
أحيانا ممكن يكون ده سبب من اسباب غرق المركب بطريقة غير مباشرة
لأن المركب من غير المحرك بتبقى من غير أى تحكم و الموج يوديها و يجيبها زى ما هو عايز...و بالتالى ممكن تخبط فى حاجة و تغرق.

5- إنهيار جسم السفينة
جسم السفينة ممكن ينهار نتيجة سؤ تحميل البضاعة أو نتيجة تهالك جسم السفينة أو نتيجة دخول المياه و زيادة الأحمال على جسم المركب .






ثانيا: إنقلاب المركب...


و هذا بيحصل عادة نتيجة فقد فى إتزان المركب أو بسبب موجة عالية قوية (بالنسبة للمراكب الصغيرة) نتيجة:

1-دخول المياه داخل السفينة بعد إصطدامها بسفينة أخرى أو بجبل جليدى مثلا
لو المياه إتجمعت فى ناحية واحدة...يبقى ممكن المركب تفقد إتزانها .

2- دخول المياه داخل السفينة بسبب فتحة فى خزان tank متهالك
نفس الكلام برضه...لو المياه إتجمعت فى ناحية واحدة...يبقى ممكن المركب تفقد إتزانها

3- المياه الناتجة عن عملية الإطفاء:
و هذه الحالة المشهورة خاصة فى سفن الركاب..لأنها ما بيكونش فيها فراغ يسمح بتوزيع المياه بإنتظام على جانبى السفينة...فتبفقد إتزانها

زى الحادثة الشهيرة للباخرة نورماندى .



4- إنتقال البضاعة من جانب لآخر Shifting of cargo
لو البضاعة إنتقلت من جانب لآخر نتيجة عدم إحكام ربطها ممكن هذا يخل بإتزان السفينة لدرجة إنه ممكن يقلبها (بالإشتراك مع الأمواج) .

5- إنتقال جميع الركاب من جانب لآخر فى نفس الوقت
فى سفن الركاب لو إنتقل جميع الركاب فى نفس الوقت إلى الجانب الآخر...فهذا بيسبب عزم moment قد يؤدى إلى إنقلاب السفينة
و هذه بتحصل عادة لما يكون فيه حادثة أصلا و تبدأ السفينة تميل من ناحية معينة....فالركاب من خوفهم بيجروا كلهم للجانب الآخر..فبتكون النتيجة إن المركب تنقلب من الناحية اللى جروا عليها .

6- عنبر بضاعة مفتوح نتيجة عدم إحكام غلقه
حصل بالفعل إن فيه مراكب غرقت بسبب إن غطاء فتحة العنبر hatch cover كان غير محكم الغلق
فبالتالي فى وقت العاصفة إنفتح و أدى إلى دخول المياه إلى العنبر و إلى إنقلاب السفينة .



ويجب أن نؤكد على أن فقد إتزان السفينة لايعنى بالضرورة غرقها...ممكن تفقد إتزانها لكن لا تغرق

[نغمة على وتر♫]

شكرا لك.