جـنـنـت قـلبي بهواك...نبضه ما حن لسواكيا قلب قلت له أهوه غيره...هم صفن بيك وهواك
يــا عــلــي يـا عـلـي يـا عـلـي
قـلـبي يا حيدر أسيرك...كل كيانه ابين ايديك
عـنـك شـمـا يبعدوني...اترك الدنيا او أجيك
قـلـبي مرسوم اعله بابك...ينسه روحه ويعتنيك
يـا علي شلون اعتنيلك...واشتكي لقلبك عليك
ارسـم بـمـاي الدموع...صورتك فوق الضوع
عـاشـق وراضي بمصيره...روحي ما احبه بغلاك
يــا عــلــي يـا عـلـي يـا عـلـي
عـاشـقك موت و غرامه ...حارم إعيون المنام
لـو قصد حضرة حبيبه... يسكت إلسان الكلام
يـوقف إلسانه إبضريحه... و أخرس إيصير السلام
هـذا قـلب العده شوقه... من كثر حمل الغرام
إنـت يـا أجمل حبيب...جرحي لو شافك يطيب
عـطـرك إيـجنن عبيره...روحي يا حيدر فداك
يــا عــلــي يـا عـلـي يـا عـلـي
يـا عـلـي اببابك عيوني...مو دمع يجرن عيون
لـو دمـوع اتهل جفوني...بيدي اخيط هالجفون
يـا عـمـر لا ما اريده...عمري لعيونك يهون
عمري اشك اسنينه بيدي...واحرق اوراق الضنون
جـنه حبك بيك اتوب...لو ذنب اهوى الذنوب
مـتـهـم حـاكم ضميره...قرر إعدامه بجفاك
يــا عــلــي يـا عـلـي يـا عـلـي
يـقتل إجروح العشاقه... و إنت حبك سلسبيل
يـا عـبـير الجنه غيرك ...ما نبض قلب الخليل
أعـتني السجت غرامك ...وين أصير و ما أميل
طالب إمرادي إبضريجك...عاشق و عندك دخيل
عـيـني لبست لك سواد...قعدت إبباب المراد
عـيني صارت لك أسيره...نجمه مسجونه إبسماك
يــا عــلــي يـا عـلـي يـا عـلـي
للتحميلmp3
اضغط هنا
إستماع mp3
كلمات: ابو محمد الحميداوي
اداء: الرادود احمد الساعدي
رد مع اقتباس
المشاركة الأصلية كتبت بواسطة Secluded
