هنا

[فقار الكرخي]

وداعا 2019

ها يهبيتنه
التخرمش (فيي )وجهنه ونص گفانة..
المآخذه عيون(المحنه)
التاركه الخنگه ب (هوانة)....


ابيش اودعچ
لا عيون الظلت النة...
ولا چفوف تگودج بچلمة سلامة...


عيب اعاتب
وانتي تدرين العمر زحمه سوالف
وسولت المظلوم ضايع مدري( يسكت)...

واني گتلج..
غادري بس عاد وفي...
واني گتلج..
لا تنعين اعله زلفي البيه يكفي...


وانتي صنته ولا حچيتي...
واني گتلج هاچ طيني
و جيبي ناسي...
ولا حچيتي...


عفية وصي اختچ علينة
...و عفية هاي سنينه
چذبي بحچيها...!
وعاتبي اللوعات بيهن...
عفية عفية لمي روجات التتن
هاچ الگصايب لونيهن ...
مسحي كل طاري غريب وعمره ضايع
مسحي كل طاري فقير وعمره جايع
مسحي كل طاري حبيب بكل مواجع



لا تخلين السنين
تشيط حوبتها بگلايد ما تكابر...
لا تخلين السنين
تبوك ضحكة چم حلم لأجل المگابر...
لا تخلين الزعل طاري اليسافر...

لا تجبين الطواري
لا هله بجيه الطواري...
انتي بس بالچ علينةة..!
عاتبتها وب(الصدگ)هية شعليها...
الدنيه هيچ احنه شبدينة









م

[حہيہدر الہبغہداديہ]

يسعدني ويشرفني

الرد على مواضيعك

تــ ح ــياتيـ لكــ

كل الود والتقدير