هنا

[فقار الكرخي]

مايكم بيمن تلهه وصار غيمه
غيمه صار سنين عطشانه بزعلها
واحنه ريج اطيور مسجونه بحياطين الحكومه
مامطرتو حتى لونص الدرب يم المناير
جان شفناكم مطرتو
هلبت الربح البعيده تجيب كطره حيف منكم
هلبت اطويره غريبه اطيح يمنه امبلله بزفه عطركم
خاف مو غيمه ومشيتو برأي غيمه
خاف مريتو بسراديب العفه وطحتو ونسيتو
منين تحجون لمشيكم
خاف غيمتكم بجيكم
خاف ماخليتو عيد يراهن شموعه بنذركم
خاف لفيتو القطارات التضل بيها الرسايل
جوه رجلين السكاره بعلك جندي
وخاف انتم هاذا الصياح البقه براس القطار
ماعرفناكم عليمن در حزنكم
مره تلبسكم صناديك الستاير
مره تحجون الهوه بشباج خايف تنكسر جامه ونلمكم
كلها منكم......
صرنه نتلفت رحه ونطحن عذركم
رايجه البسمه بشفايف مشتهاكم
واحنه دمعه ليل مشدوهه بنجمكم
ردنه نتسوك عصارينه ونجيكم
مالكيناكم سكتنه
وبكنه ثوب غروبكم من طيب خاطر
حتى تنشافون عصريه أعلى في
متاني رشه ماي منكم
وردنه نختل جوه هويه انشالت اتراب بقهركم
ثاري حتى ابؤفكم ماحسنه دمكم
ليش بعتونه لمعه بدنيه لشذركم
ليش سويتونه كسرت عين سنبل
ينتجي بضيمه أعلى سدكم
اه من اعمارنه المامنهه ضنه
وانتم بهلهوله تزهي لايكه لبيبان سنكم
فرو بينه هواي فرتنه السنين وعايشين
ماعبرنه الكنطره وعفناها تستاحش مشينه
راجعين..للشعر...للخوف... للشم... راجعين
احنه بوسه توه صاير
تفتر الدنيه أعلى امه وتوه صاير راجعين
مايمض بينه التعب لخر عشكنه
ونضل سوله مستحين
ونضل سوله مستحين








عباس الغالبي

[ابراهيم حسن]

حلو فقار

[حہيہدر الہبغہداديہ]

يسعدني ويشرفني

الرد على مواضيعك
تــ ح ــياتيـ لكــ

كل الود والتقدير