هنا

[فقار الكرخي]

مريني
يبعد الـ مالهن رداد
من يبچن دمريني

وارسميني حلم بردان
متحفي اعله شفة الليل
و بلسعة ضواچ اعناد جيسيني

مريني

غصن روحي
نهش روحه و عطش لـ الله

غصن روحي
بچـه الصبير من عينه
و يخم بالراس
محتامـچ يـ ال ( اسم اللـه )

مريني

عشب روحي
يشم ريح الوطن بالطين
و اچفوفچ نشيد و ماي ..

ليليه انشتل شباچ
و نطرلچ دهر دهرين
و ابروحي يموت الماي

فيضيني ..
تهت زخة حزن باللوم
و اتلفت عله الشباچ
و الگاني نذر محروم

يـ احبيبه هجرنـي النوم
يـ احبيبه
الـزعـل مفروض بس مو دوم .

مريني
يـ برحيـه
و حليب التين
و امناغـه
و غنـه اجنوبي و طرب للناس

مريني
و لو حسبة مرض بـالراس
يا أول شمس تنباس .. !









لـ محمد الدراجي....

[انثى مخمليةة]

عاشت ايدك