إدارية سابقا ^ _ ^
Nazkul
تاريخ التسجيل: December-2018
الدولة: ♡جنة الله♡
الجنس: أنثى
المشاركات: 13,776 المواضيع: 1,645
صوتيات:
35
سوالف عراقية:
1
مزاجي: مزعج ^_^
المهنة: أسعى لاكون من الـ³¹³
أكلتي المفضلة: أي شي بي فراولة ^_^
موبايلي: Infinix Zero 20
كلمات قصيدة عاش من شافك يبوية مات من عافك يبوية باسم الكربلائي مكتوبة
عاش من شافك...يبويه
مات من عافك...يبويه
ميّتة اخلافك...يبويه
كلما نام أحلم بيك شابقني
و أفز و ألقاك رايح يالمفارقني
بعد عيناك أريد الموت صّدقني
الهوه الما بيه عطرك بويه يخنقني
لا يمر حلمي...يبويه
و انت يمي...يبويه
و القلب طافك...يبويه
عاش من شافك...يبويه
مات من عافك...يبويه
ميّتة اخلافك...يبويه
أنا اشتاقيت أشوفك و أغفه بحساسك
كلك ردتك و ما ردت بس راسك
أحاجي الراس بلكي ايرجع أنفاسك
و أشوف اشسوه شمر بأهلك و ناسك
عاين اشلوني...يبويه
امورمه امتوني...يبويه
تنجرح خافك...يبويه
عاش من شافك...يبويه
مات من عافك...يبويه
ميّتة اخلافك...يبويه
ما قلك يبويه اشحالي من دونك
سولفلي بالأول انت اللي اشلونك
يبويه و ليش دم جامد عله اعيونك
قلي اشصار ليش امكسره اسنونك
شيبك امخضب...يبويه
شعرك امترب...يبويه
ذابلة اشفافك...يبويه
عاش من شافك...يبويه
مات من عافك...يبويه
ميّتة اخلافك...يبويه
قصتك ليش تنزف ما طبت بعدك
يبويه و ليش طبع الحافر ابخدك
غير اجروح سولفلي اشبعد عندك
حته آنا اويه زينب نقعد انضمدك
ابحاجبك طبرة...يبويه
و رقبتك حمرة...يبويه
امغيره أوصافك...يبويه
عاش من شافك...يبويه
مات من عافك...يبويه
ميّتة اخلافك...يبويه
بس الراس يا بو اليمه مو كافي
أريد أغفه يبويه ابحضنك الدافي
تعال و شيل راسي العلترب غافي
و أراويلك السوط اشسوه بجتافي
يالنزف دمك...يبويه
بكربله جسمك...يبويه
و الثره إلحافك...يبويه
عاش من شافك...يبويه
مات من عافك...يبويه
ميّتة اخلافك...يبويه
يبويه من أشبق الراس و أبوس اشفاه
أون و أشعر الراس يقول واويلاه
أحس الموت فوقي ايحوم يا الله
لو يرجع ابويه لو أروح اوياه
أرجع بصفك...يبويه
و أغرق بعطفك...يبويه
و أغفه بجتافك...يبويه
عاش من شافك...يبويه
مات من عافك...يبويه
ميّتة اخلافك...يبويه
رقية آنا يبويه الحايره بدنياي
شفت عزريل من اشبقت راسك جاي
قلت له اتريض أرد آخذ لي حاجه اوياي
أريد آخذ لبويه الضامي جربة ماي
موتي لو رد لك...يبويه
دمعتي اتقلك...يبويه
ضاعت ألطافك...يبويه
عاش من شافك...يبويه
مات من عافك...يبويه
ميّتة اخلافك...يبويه
كلمات: كرار حيدر الخفاجي
اداء: الحاج باسم الكربلائي
رد مع اقتباس
