لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
هزيتي العرش بالدمع ما تدرين...و تبجي أملاك ربج كلها من تبجين
كون أدري الدموع اترجع الميتين...لبجي ابدم لمن ما يرجع الوالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
يعمه اشلون أعوفه و جنت ما أعوفه...و أشوف الموت كون بيوم ما أشوفه
أبويي الجان يمسح راسي بجفوفه...و لا خله الهوه ايمس طارف اذيالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
أحلفج باليبس فوق النحر دمه...و عليج بداعت العباس يا عمه
لا تبجين خاف ادموعج اتلجمه...من اتطيح فوق المنحر اتلالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
اشلون أنسه الضوه الما فارق اعيوني...عزيزة قلبه لو رادوا يسموني
يزعل لو سمع بيهم يزعلوني...أبويه الجان بيده ايحجب اخيالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
و حق دمعج رقية العلنحر تسبيح...روحي اتطيح وي دمعاتج من اتطيح
عن راسي يزينب صوت ابوج ايصيح...شيلي الما شلتها بيوم عن بالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
أبويه البلحوافر داسوا اضلوعه...و عليه شربت الماي أصبح ممنوعة
اشلون أنسه اليصيح و نزلت ادموعه...يا عباس جيب الماي لطفالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
لا تبجين عمه بداعت اعيوني...جرح انتي و أخافن بيه يلجموني
ما ريد العده بموتج يشوفوني...مكسورة و خيال اجفاج يبرالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
و حق الكفل خدرج الا أموت اوياه...ما دام الدمع ما بيه نفع مبجاه
اشلون أدخل البيته و بعد ما ألقاه...اشلون أرجع و من ضواه خالي
لا تبجين عمه بداعت الغالي...رقية بدمعج الموت ايتراوالي
آيات هذا الدمع...آيات ما تنسمع
اداء: الحاج باسم الكربـلائي
كلمات: الشاعر ناظم الحاشي
رد مع اقتباس
