أثَر للسوط بِمتوني!!
دشوفو من تغَسلوني ---أثَر للسوط بِمتوني
ومتت بالنوح
على المذبوح
متت بحسين عَزوني
-----
شفت مأسات شفت اهموم -لله سلمت اَمري
شفت كَدامي ابوي احسين-دمه إمن النحر يجري
تمنيت افدي ابو اليمه-واقدم للشمر نَحري
ياشيعة ترى المأسات-بالطف كَسرت ضَهري
وبكل لحظة اريد الموت
وياهم اصيح ابصوت
عَليهم منخطف لوني
متت بحسين عَزوني
-----
أسير اويه السبايا أنكاد-شفت مأسات ما تنقاس
شفت زينب يصيبوها-انولينا ابولية الارجاس
شفت عالرمح راس احسين-وي راس البطل عباس
اِويتامه اويانه عطشانه-والموقف صعب ياناس
بعد شيخفف الاَمي
ذبحوا اهلي كَدامي
ابموتي لاتواسوني
متت بحسين عَزوني
-----
ياروح المثل روحي- بكَت بحسين مفجوعه
أبد ما نشفت ادموعي-عشت لوعة باثر لوعة
ياهو المثلي يا عالم-يون والونه مسموعه
وياهو الشاف روس اهله-فوك الرمح مَرفوعه
يادمعة التضل بالعين!
تمنيت افدي ابوي احسين
وكَبل ذبحه يذبحوني
متت بحسين عَزوني
-----
مصايب كَربله ابكل يوم-بعيوني ترد تنعاد
اَبوي المنذبح عطشان-أذكره اويه الشرب والزاد
لو للموت ما انساك-يا روحي يبو السجاد
بعدك يا ضوه اعيوني- هاي الدنيه ما تنراد
يشيعه الموت الي رحمه
واَفك حزني اعله ابو اليمه
ابخام الكَفن لِفوني
متت بحسين عَزوني
-----
متت واعرف طبيعي الموت-واعرف كلمن ابيومه
وكل ميت واله تابوت-الكبره ويختم اعلومه
لكَن بس ابوي احسين-ثلث تيام بالحومه
مو بالماي يا شيعه-تغَسل جِسمه بِدمومه
وصارت دنيتي ظَلمه
ابخيل الدوست جسمه
انعمت لا شافت اعيوني
متت بحسين عَزوني
خادم ال البيت ع
حسين الساعدي
منقوول
رد مع اقتباس
