هنا

[Gardi]

اسفة على التأخير بالرد . بسبب انشغالي . نبدأ بعون الرب !!

[Gardi]

اعتقد مجحف بحق الكفاءات لان عدم وجودهم راح يضر من الناحية العلمية
المشكلة الثانية اذا تقاعدوا منو راح يدرس طلاب الدراسات العليا؟
لو يعلقون القانون ل لقب استاذ ع الاقل يكون بي وجهة نظر

اتفق معاك من ناحية تدريس الدراسات العليا والمفروض يدخلون دكاترة واساتذةً ويخرطون بيهم في مسالك العمل على الاقل سنة او سنتين قبل خروج الكفاءه المتقاعد حتى الاول يشغل مكان الثاني لاحقاً


بالمختصر آكو كفاءات صراحة يحتذي بيها وهذولة عددهم مو كثير خاصةً بعد حرب ٢٠٠٣ أما البقية غير كفوئيين فقط القاب علمية وكفيلك علي بيهم كلشي ميفهمون او ميجددون في طرح المادة اذا هو المادة مالتة ممغيرها من ١٩٨٨ يشتغل عله نفس المصدر ونفس الهيكلية ووووو

[Gardi]

لابالعكس يجب اعطاء فرصه للخريجين الشباب ليأخذوا دورهم في بناء الوطن والمجتمع وعن قوله بأنه سيسلب عيشه فهذا لايؤمن ان الرزق على الله وهذا تقاعد وليس اقاله ..................... انتهى

ونعمه ب الله . من وجه نظرهُ بعد يعتبره سلب حق . ومن حقة يشعر بذلك كون الموقف ربما يمسه شخصياً او نفسياً

فعلاً حلو التجديد وإعطاء الفرص . بس يكلك انا كفاءة من ١٩٨٠ مثلا انا ادرس وطرحت عدد من البحوث والتقارير وأشرفت على مناقشات وطلاب وغيرها
شلون اطلعني وتجيب طالب هستوه متخرج بدون خلفية قوية تخلي بدل عني ؟؟


وياهلا بيك نورت

[Gardi]

اني مع وضد ..
قرارات الحكومة مجاي نفهمها ابد ..!

اني مع من حيث اعطاء فرصة للخريجين يحلون مكانهم .. وبعدين اكو دكاترة مخرفة ازالتهم افضل .

وضد القرار .. لان اكو دكاترة ذوي خبرة عملية فذة راح تخسرهم الطلاب والجامعات ويخسرهم حتى العراق .!
وحتى الدكاترة اللي تحال للتقاعد مفروض اكو منفذ للوصول الهم للاستفادة من خبرتهم العلمية وقت الحاجة لها .!

هههه حبيت مال اساتذة مخرفة وصدقت بالمكان اكو دكاترة يصلح عليهم لقب (......) زحمة اذكرة للقلب. معاقين ذهنيا

وفعلاً اكو كفاءات نادرة ولكن مع الاسف قليلة وهذه حرامات تطلع اعتقد الأحسن استغلالها ....
وهم اخليها مدربة للجيل الصاعد من المعينين الجدد

وصراحة اكو سراق محتوى علمي وغير كفوئين ... حصلوا عليها بالساليب ملتوية مع الاسف هذولة كون ينقلبون !!!

منور

[Gardi]

اني اشوف المفروض كلشي مينطوهم .
هاي بالنسبة للموظفين .
زين ليش ؟
يعني هاي الناس كاعدة لا شغل ولا عمل
وانت مبربع بالراتب
وينطوك قطعة ارض
وقروض
وسلف
وعايش احسن عيشة
والناس الباقية مالاكية خبز تاكل

وبعد هذا العمر الشبعت بي رواتب وفلوس
تريد تكعد بالبيت وتاخذ راتب الي هو التقاعد .

راح تكول خدمت الدولة
حبيبي مو بلاش
اشتغلت بفلوسك
عالتبريد وعالتدفئه
والسيارات الحديثة والخطوط


والفقير يشتغل حمال
وجايبها تلزك
ومن يكبر يحدب ضهرة من التعب
ويصير بي اشكال الامراض
بسبب التعب الي جان الموظف نايم بي عالتبريد
وهو مشلوع كلبة
ومحد بحاله



مشكورة كاردي

هههه حبيت وجه نظرك والمقارنة . وهذه تبين عدم توازن توزيع الفرص بين الاشخاص . واغلب الناس دكلك رزق ربك
يجي هنا سؤال ليش الله يفرق بين عبيدهُ لو اصلا هي تخص الظلم الحاصل من قبل قلة وتدبير وتخطيط الدولة !!

بس صراحة زحمة بعد كل هل تعب يكعد بدون تقاعد !! اقلها شي يحفظ ماء وجهُ وكرامتهُ


منور

[Gardi]

اعتقد السن التقاعدي شي ضروري لان اكو كفاءات جديده من الشباب يجب ان تظهر يجب ان يكون الهم مكان ودور اكو هواي ناس ماخذه مقاعد وناس تنتظر تقاعدهم حتى ياخذون هل المكان

يمه يمه شكد مشتاقتلج يا حبيبتي وصديقتي عذريني الانشغال

فعلاً اتفق معك ايفن لكن طلاب دراسات ماجستير ودكتوراة منو راح يدرسهم راح يصير نقص حاد وهم تقليل مقاعد للمتقدمين ... اعتقد لازم اكو تخطيط مسبق لسحب الاقدمين وإعطاء فرصة للجدد بالية تسمح بتطوير الجدد واعطائهم فرصة كافية

[Gardi]

مشكلة يا كاردي
شوفي الاراء هنا وطبعًا هذا جزء مصغر من اراء الشارع اللي اعتقد
تتفق مع هذه الاراء ، تره الموظف والاستاذ هم بشر هم انسان وعنده التزامات
وعائلة ويريد يعيشهم ، مثلًا رأي فقار ، يا فقار هذا المواطن اللي تعين وخدم 30 سنة وبيهم اكثر
شنو مامن حقه يعيش بعدها زين شنو ذنبه اذا هو اخذ فرصة وتعين وغيره مماخذ فرصة
هذه الامور ميتحملها المواطن لان هو مثلك ، ثم وين اكو اراضي وسلف !
الاراضي بوقت المرحوم صدام نعم كانت موجودة حاليًا ماكو والسلف الدولة متنطيها ببلاش روح شوف الفوائد اللي تاخذها واذا الموظف صاعد سيارة او بنى بيت فهذا كله بالاقساط

يعني الدولة التعبانة مو بس ولدت بطالة وانما ولدت حقد بين الشعب واحد عينه ع رزق الثاني
بدل ما المواطن يؤيد قانون التقاعد بحجة غيره يلاقي فرصة المفروض يفكر ان هذا البلد ممكن تتنشط بي المصانع وبالتالي تقل البطالة ، بس احنا اسهل شي علينه نلاحق المواطن اللي مثلنا لمجرد محصلنه فرصة

طبعًا اني ضد قانون التقاعد ، الكفاءات الموجودة خسارة كبيرة ان تندثر لمجرد ان الدولة عاجزة على ايجاد سياسة عادلة لتوزيع الوظائف او عاجزة على ايجاد بدائل للتوظيف الحكومي
ثم حتى وان طلعوا تقاعد كل عقلكم راح تتعينون هههههه !!

معلومة بسيطة احب اذكرها للي موموظف ، لتتوقع الموظف مرتاح لمجرد انه يستلم راتب نهاية كل شهر
هذا الموظف مشتعلة صفحته و كل يوم الدولة بقرار جديد يخفض من راتبه سواء كان قرار رفع الضريبة او استقطاع معين او ختى زيادة نسبة التقاعد مثل ما صار من 7‎%‎ الى 10‎%‎ واكو مقترح الضريبة تكون على اساس اجمالي الراتب وليس الراتب الاسمي فقط
تخيل هذا التدريسي اللي ضريبة الدخل حالياً بـ 150 الف شگد حتكون اذا ع اجمالي الراتب !!!!

نعم مشكلة

المسؤلية الكبيرة تقع على عاتق الدولة وعدم قدرتها على تخطيط وتوزيع الفرص بين ابناء الوطن الوحد . لا ذنب للمواطن الي حصل على وظيفةً. عن غيرهُ الي ما حصل او كان حظهُ اقل

فعلاً كل هل مخصصات ماكو عند الموظف والسلف ياخذون عليها ضعفين ( مثلا هسة انا مسوية سلفة غير متندمة بكد شعر راسي هههه الاستقطاع نهيبة فعلاً سرقة في النهار )


شوفي لارا كل انسان ينظر من منظارهُ . ويقيس من رؤيتهُ ناس تشوفة مجحف وناس تشوفة إعطاء فرصة

لكن العتب الأكبر يقع على الدولة وفشلها في تخطيط وتوفير فرص سانحة ومميزة الابنائها دولتنا دولة السرقات الكبرى . وأكبر دليل توقيف مصانع دولة كم فرصة عمل انهدرت . محد فكر منهم يشغلها للمصانع لان ميفيدهم . لكن قانون تقاعد يفيدهم ويدر عليهم أموال ومحد منهم يضرر


اكو موظفين مساكين صراحة يادوب ملحك على لقمة العيش والحياة في تسارع ومتطلبات الحياة صعبة اصبحت

اذا صارت الضريبة هكذا . الراتب ميبقة منه شي والموظف عندة فلوس مولدة مدري فلوس أجار مدري خط مدري مدارس طلاب مدري كليات ومعيشة وووو ) كارثة

شكرا حبي منورة

[❥ اوليڤَيــــــا✿┊❥]

حبيبتي مشكورة ع الطرح الراقي مثل ماتعودنا منج دائمآ .. رأي مشابه لرأي سوكراب وفقار
مع الود حبي

[Gardi]

آني اشوف التقاعد ارحم بهواي من ذلة الوظيفة
الموظف بالعراق أبداً مامحترم ولا كرامته مصانة مهما كانت وظيفته ،، من رئيس الجمهورية الى ابسط فراش في دوائر الدولة .
اما عن الاستاذ اللي يگول راح يسلبون لقمة عيشي ، فهذا لأن راح يطلع تقاعد بأربع ملايين او خمس ملايين دينار .
ماراح ينقص من راتبه شي غير بس الإشراف على طلبة الدراسات العليا والمحاضرات ،، وهاي بحد ذاتها راتب ثاني .
الفائدة الحقيقية هي ضخ دماء جديدة واستيعاب الطاقات المتخرجة والشباب الجدد ، من اجل تغيير واقع المجتمع وواقع الجامعات وتلك المنظومات المترهلة المسيطرة على العملية التعليمية والتربوية في العراق .

ههههه اكو عدهم هذه الذلة احلا من عسل عراب كعدة البيت مترحم خاصة للمتعلم على العطاء ( بس هم صحيح كلامك خلي يسافر يطلع شكو طاقة سلبية في قلبهُ

والله خوش تقاعد وانا كلت خطية معقولة ينطو مليون ومتخيل هههههه صدك طلعت صفر بالأحساب وهذا ضايج ..

هو روحة والإشراف والمحاضرات غير الدكاترة يتكالبون عليها ويسابقون مثل جياع ولا عبالك عنده لقب ومتعلم ههههه . بس أكول حقة يريد رفاهية زائدة وخاصة باقيلة ٣ سنوات يعني تفيدة وجدا.


لا اسولفلي على الاهتراء والسخف في هذه المنظومة . مصدومة بيها رغم كنت أتصور انهم المنظومة الأكثر تفهما وتطوراً واستعاب . وجدت مستنقع مخيف الا ما ندر منهم

بس تدري اكو كفاءات صراحة حرامات تطلع علم واخلاق وكياتة . حتى وهو كبير بالعمر بس عندة أسلوب بايصال المادة فذ . وفكر


منور عزيزي

[Gardi]

جايكم ان شاء الله باجر لأن ما قاري التعديل مال قانون التقاعد لهسة بسبب الدراسة، بإذن الله أفصخه اليوم وأكتب ردي هنا، بس سمعت أكو تعديل جديد هم رح تدزه الحكومة للبرلمان، صراحة هذا القانون بي مصايب وشخابيط بمعنى الكلمة ، كل هذا والحقد السياسي موجود لأن ما يمس شي من رواتب وامتيازات المسؤولين ولا رواتب رفحاء وعناصر النظام السابق اللي خلصو موازنة الدولة

يا الله . ننتظر لعد . جنت انتظر النفس القانوني اكيد . تنورنا