هنا

[الشاعر علي البدري]

[CENTER]
مـِْن ادم الهذا الًيَوُمًِ
شنهو الشفنة غير الدم
اول قطرة م̷ـــِْن هابيل
الاخيرة ربك اليعلم
عجيبة ياوطن لليوم
جرحك صاير مثلم
تشتل شتل باالشبان
تدفن ترد مامهتم
المستقبل اساسا مات
اساسك جاي يتهدم
الحضارة والاصالة البيك
صارت فعل ماضي وهم
مااريد الحضارة ارجوك.
ولا اريدنها تتاقلم
بس رايد امان اوياك
حتى اوياك مااندم
واكول انطيت دم وراح
جوة الكاع يتنعم
جم شاب بعمر كاروك
نيشان الفشك والهم
البيك ام الشهيد الًيَوُمًِ
عليها البيت يتهدم
وبيك انتة الشهادة اتكول
بعد مارايدة اتعلم
بيك ايتام باعت ماي
م̷ـــِْن الخجل تتلثم
رصيفك ياوطن مبيوع
عندة السان يتكلم
حزب فلان بيدة الراي
ضل بيدة الدخل ينعم
وحزب فلان تاجر صار
فنة الحدة يتقدم
وبعض احزاب خو باالجيب
اخوه اوياه وابن العم
الفقير ايروح باالرجلين
م̷ـــِْن ضيمة يوزع دم
لَـگِنْ مو انقاذ انسان
الجبد الكاع مو ورم
ابنك ياوطن محتار
جرحة يزيد مايلتم
يخيط ياجرح وهموم
زادت فوك هم وهم
ابكاعك جذب مو نهرين
بكل صفحة نهر من دم
السياسي البيك ضل ربحان
تاجر موت ومعلم
يساوم باالعلن وياك
ابد مو نيتة يتندم
بيك الموت جملة يكون
الفقرة البيك هم وغم
وينك ياعلي الكرار
اليتامة اعلى الزبل تلتم
الارامل باالوطن ياحيف
بشرفهن ساوموهن كم
الج راتب تعالي اوياي
ماتردين اوكلج سم
دولتك ياعلي الكرار
من بعدك صفت مأتم
[SIZE=5][I][B]

[الملاذ الاخير]

الله الله ع الاحساس الوطني والمشاعر الجياشة

وينك ياعلي الكرار
اليتامة اعلى الزبل تلتم
الارامل باالوطن ياحيف
بشرفهن ساوموهن كم
الج راتب تعالي اوياي
ماتردين اوكلج سم

صور شعرية جميلة ومؤلمة ولكن لا ننكر الواقع المرير

سلمت اناملك شاعرنا الورد
لاحرمنا

[نوفل أُسامة]

ياهو المنچ أشرف خاطر أشكيله
دليني ياحسنة وباچـر أمشيـلة

[انثى مخمليةة]

جميل جدا


احسنت