هنا

[Nazkul]

هذا أبويه الغالي...راح أدفنه ببالي...بالأنفاس ما ظل هوه


رجعت اعيوني و طلبتك من بعد ذاك الظلام...بويه جا جابولي راسك وين أحضنك أرد أنام
تدري البنية حمامة و اليتم موت الحمام...و التفارق حضن أبوها عالفرح تقره السلام
بويه ظلت خالي...هالحچاية الغالي...بالعيون مات الضوه

هذا أبويه الغالي...راح أدفنه ببالي...بالأنفاس ما ظل هوه


بوية ما أريد أبقه باجر و النهار ابلا أمان...من أظل بعدك يتيمة يكسر اجناحي الزمان
لا علي اليمسح لي راس لا نبي ايوزع حنان...وين أروح و ما كو صدرك و النحر ما بيه مكان
و افتحت ذرعاني...ما لقيت امچاني...للأيتام ما كو دوه


هذا أبويه الغالي...راح أدفنه ببالي...بالأنفاس ما ظل هوه


غمّضت عيني و لقيتك بالحلم واقف أمير...و آني يم شجرت حنانك طيرة و اجناحي حرير
و ازرعت بشفافي بسمة بالفرح خلتني أطير...و افتحت عيني و لقيتك نحر جا قلبي اشيصير
لا أبوية ابليلي...لا قمر يضوي لي...و الشموع يطفن سوه


هذا أبويه الغالي...راح أدفنه ببالي...بالأنفاس ما ظل هوه


كون التفارق أبوها بوية أول ما تحن...تلبس اهدوم المنية قبل لا تلبس حزن
كون هم بالغربة مثلي بالوطن ما تندفن...موتتي بحضنك ردتك و راسك انت ابلا حضن
و الفرات الجاري...ما يخمّد ناري...حته الماي بيها انجوه


هذا أبويه الغالي...راح أدفنه ببالي...بالأنفاس ما ظل هوه


آنا متعودة اعله طولك ما أحب طول السفر...ما مشيت بليلة ظلمه و لا شفت دمعة سهر
شوفتك جانت نهاري و ليلي بيه عم القمر...هاي الأنفاس الأخيرة راح أشم بيها النحر
منهو يمسح راسي...ما كو جف عباسي...وين اجفوف راعي اللوه


هذا أبويه الغالي...راح أدفنه ببالي...بالأنفاس ما ظل هوه


قبل لا أودع حياتي عندي يم راسك طلب...كلمة أريد أسمع لي منك حته لو كلمة عتب
يا ثمن يوزن كلامك يالسكوتك من ذهب...الموتة وي المثلك انت واجب و مو مستحب
يا دموع ارويني...هذا راس حسيني...وجه الگاع بالدم روه



هذا أبويه الغالي...راح أدفنه ببالي...بالأنفاس ما ظل هوه



باجر أبقه ابلاية طولك هاي إذا باجر بقيت...الزمن راسمني شمعة بريح الموادع طفيت
انتجيت آني اعله راسك مدري عالموت انتجيت...دورت جلمة يبوية عله اشفافك ما لقيت
هذا دمع إحساسي...و خاتمة أنفاسي...عالوداع قلبي نوه


هذا أبويه الغالي...راح أدفنه ببالي...بالأنفاس ما ظل هوه


للتحميل mp3
اضغط هنا


إستماع mp3


اداء: الحاج باسم الكربلائـي
كلمات: الشاعر احمد الذهبي

[عضوية122513]

[Nazkul]

انرتِ