شمالني وحاضن حسرتي..!
ب اول عروگ الضوا..
تغفه صفنتي...
وينتهي مناطر (هلا)..
و چلمة (الماكو )..!
وانه خفت من (الهوا)..
يعاند گذلتي وما يمرها
وانه خفت
من اول زحوفي
اعله گاع ..
ومن طحت و(امي) اضحكتلي..
شمالني وحاضن حسرتي..!
ارد اضم االبيه(عيب)!
اني گدها وهسه اعيش
وحته لو مو هسه
(باچر) اني اعيش..!
علتي ترافگ صفنتي..
ولا طباشيري تحنه و چفه مات ..!
ولا (هلا) بشباچ روحي..
البيه شديت الهوا نيه اعله طولي
وتالي جازاني ب (دروح..)..!
والله وسفه
حته حلمي
تگودة عكازه بصفنته وبعده شاب..!
وخاطري المكسور يكبر..!
وانه لاگيت الضوا
بچف الدعاء
وطاح من عيني رماد الدنيه كلها..!
كون احرك
شوغتي الماتت عليه ..!
ارد ادليها(اليتيه)رأسه وين
وهالضعيت..!
ارد اغازل ..
(شهوه) الصبيان شنهي بهب صباي
ارد امشط (راگ زلفي )بلچي يضحك.!
واني عطشان اعله دنيه بكلها ماي
ارد اطر ذيج الغروب..
بشمس حمرا وفرض ميت ..!
ارد اصلي (المغربية)..
وانه اريد اشرب واغني..
انه اريد ابليس ويگعدني بيده!
انه اريد وما اريد..!
يمته اسافر ويه حلمي ..!
يمته اصير انسان(عفيةة).!
وانه اريد احضن ذنب و(ابليس)يمي
يمته اصير انسان(مغثوث وحقير)!
ارد اصير
لكلشي هاي لكلشي ذيچ..!
ها يربي انه ضايع
لا اني هيچ ولا اني هيچ..!
فاطمة الصالحي
رد مع اقتباس