هنا

[فقار الكرخي]

الهي بجاه داحي الباب .. فُك الباب
فك الباب
فك الباب
علينه اتلملمت يا خالقي الاحزاب
كلها تريد تذبحنه ،
والذبّاح ،
يذبحنه ذَبِح وبأمرت الأجناب
ومن كثر الضحايا ما يصح تابوت
والدم يا الهي اعله الشوارع راب
ويوميه نفز من الفجر ننشد
يا هو المات ..؟
ويا هو الحي ...؟
وياهو اللي انجرح ونصاب ...؟
حتى المگبره ناحت علينه انياح
بكثر ما بيها يا ربّي دفنّه احباب
الهي لا مو عراقيين
وحگ دجلة وفرات الطاهرات الطين
وحگ الماتوا ابتشرين
هذوله اللي يذبحون العراقي اغراب
وچذاب اليگول الصبر مفتاح الفرج ... چذاب
لأن ادري الضمير وداعت الثوار
حضور اللة بالإنسان
وذوله ال بالحكم باعوا ضمايرهم
باعوه من زمان وغاب
ردسوا ع الجرح أنذال
صدگ اچلاب ولد اچلاب
واحنه يا الهي اذياب
وصندوگ الصبر لوطگ
يگص اذيولها ويرچي بجثثها الناب
ويمّك بقت يا ربي
نرضه بقسمتك ، ونصبر على المكتوب
بس بجاه داحي الباب
فك الباب
طفح شط الذبح
والدم صعد خنياب








خالد العامري

[حہيہدر الہبغہداديہ]

كالعادة إبداع رائع
ونص يستحق المتابعة
شكراً لك

[أستثنـآئيـّةة❤️]

عاشت ايدك فقار