هنا

[رنوشه العراقيه]

اكيد حيخلون شخص موزين وممهتم للعراق اصلا وهمه بس البووك

[الملاذ الاخير]

اكيد حيخلون شخص موزين وممهتم للعراق اصلا وهمه بس البووك

المشكلة مو هناا .. عدنا دائماً نگول الانسان شتفرض عليه بيئته يتكيف وياها .. صح مو

جان بمنطقتنا مدرس الاخلاق والتواضع والدين العنده ماشايلها بشر وكلها تحلف براسه ..
صارت الانتخابات واتفقوا كل اهل منطقتنا نصعده لمجلس النواب لان هذا الشخص هو الانسب من حيث الاخلاق والدين وجان ابالنا راح يسوي اللي محد سواه .. المهم صعدناه لمجلس النواب ..
غلق كل اجهزته ..
نقل عائلته للخضراء ..
ولا شفنه رگعة وجهة بعد ..

فيا أختي اي شخص يصير لو نجيب نبي .. هم راح يتكيف وياهم ..
واذا مو بالعيني واغاتي .. راح يطكوه ..
وغرد مثل - خلف ..!

[د. حسن سعيد]

خلي ألحك أكتب رأيي قبل ما تصير عركة وينغلق الموضوع هههه ،
صديقي فقار، هاي الشغلة شخصتها من ثاني أسبوع من الإضراب عن الدوام، ما أكذب عليك آني هم شاركت بالاضراب وغبت أسبوعين وياية كل زملائي بالدراسات العليا، بس من شفنة الوضع طال فوك المعقول والاضراب صار ميفيد ولا يحقق النتيجة اللي نريدها رجعنا للدوام، اليسأل عن دماء الشهداء ويكول (لتضيعوهن بدوامكم) أجاوبه (زين انت مو تكول الشهيد طلع يريد وطن؟ أول شي تعال عرّف لي شنو معنى الوطن وشنو معنى الحق والحرية؟ ثاني شي اذا انت ظليت بلا دراسة ونفرض التظاهرات نجحت وانشلعت السلطة العميلة الطاغية تكدر تحكم وتدير بلد بشكل صحيح وأنت ما عندك أي علم؟).
هسة خلصنا من الناس البسطاء نجي عالفوضويين جماعة الهوسة أول شي الليدور حقوق وحريات بمنظور علماني: يا صديقي مثل ما انت حقك تتظاهر .. من حق غيرك يدرس ويتعلم، فلا أنت تكدر تجبره على ترك الدراسة والعلم ولا هو يجبرك على ترك التظاهر. اليكولون احنة نتبع المرجعية : ترة المرجعية بواحدة من خطبها كالت (ليس لأحد اجبار أي انسان على المشاركة في التظاهرات ولا منعه من الاشتراك فيها) يعني كل واحد حر بكيفه.
أخيراً نجي للمنطق القانوني والتفكير السليم: يا جماعة الخير اللي عدكم هيج فكر -هم زين انت منهم يا فقار- ترة الشغلة صارت غير شي، التظاهرات بدأت تنحرف عن مسارها السلمي، أكو جهات إقليمية ودولية تحرض على الاضراب حتى تخرب التعليم وتصعد جيل جديد من الجهلة والهمج يقودون الدولة بعد ما ينتهي الكارت مال الحكومة الحالية العميلة، بالقانون منع الموظفين والطلبة من الدخول الى الدوائر والجامعات ومؤسسات الدولة يعتبر تهديد للنظام العام ويعطي للسلطة الإدارية حق التدخل واستعمال وسائل الضبط الإداري لإعادة الوضع إلى طبيعته والمحافظة على النظام العام، نعم حرية التظاهر والتعبير عن الرأي مكفولة بالدستور بس بشرط ما تمس بحقوق وحريات الآخرين ولا تهددها، بمنطق سياسي هاي التظاهرة اذا نجحت بهذا الشكل الأعوج رح تجي حكومة دكتاتورة مثل الحكومة الحالية.
والله اليستر والسلام خير الختام

[انسان ثاني]

اول شي بس اعصابك استهدي بالرحمن هههه
ما ادري ليش اشوفك بالنقاشات كأنما تريد تتعارك يمعود صحتك هاي وانت بعدك شاب ^__*

شوف صديقي ، الموضوع الي طرحته متعدد الجوانب اني ما اشوف اي داعي لأضراب الطلاب (المدارس) المستمر ، اعتقد رسالتهم وصلت من اضربوا لمدة اسبوع او ٢ ، لكن اضراب الجامعات هو حدث زلزل الدولة لأن بدو يشوفون مدى قوة الصوت الطلابي وما ننسى ان اكثر الاحزاب و الثوراة قامت اصلاً من داخل الجامعات ، لذلك لاحظ كل الحكومات المتعاقبة حاولت تهمش دور الطلاب و تفهمهم انه انتوا اصغر من ان تتكلمون بالسياسة و خلي كل همك تخرج و تشتغل وتزوج و تموت بدون ما تدوخنه ، بس هسه صار بداخلهم رعب من شافوا هذولة الجيل الهم مشروع و موقف

هذا اول جانب من رأيي

اما الي يجبر المدارس ع الاغلاق اعتقد هذا تصرف خاطئ ، ما اكلك مدسوس ، لا بل تصرف ارعن من مجموعة متظاهرين ، مثل ما اكو مجموعة عطلت مصفى الفاو و مثل ما اكو مجموعة اشتركت بحادثة الوثبة ، المتظاهرين عدد كبير جداً و من الصعب تسيطر على كل هذوله ، اكيد اكو تصرفات فردية ما تمثل الجميع ، بس بالنهاية المفروض اكو دولة هي الي تحمي المواطن و تردع كل شخص يعتدي ع مؤسسة حكومية ، لكن دولتنه بكيفها شوكت ما تريد تضب الحبل و شوكت ما يعجبها تحله

[الحريف]

كل دول العالم من تصير بيهم كارثة طبيعية أو حروب يوقفون الدوائر والمدارس عن العمل بين ماتنتهي الكارثة. العراق يمر بأكبر كارثة بالتأريخ أخاف محد يدري. عصابة نهبت البلد وطببتله داعش وگامت تگصگص بي واحتمال اذا بقت هاي العصابة فد سنة حتى ميناء الفاو يبيعوا للكويت.
احد الاخوة يگول محد يعرف معنى نريد وطن. اخي الناس من صاحت إيران برا برا ومن اتهمت الطبقة السياسية بالتآمر على العراق يعني مو غشمه يعرفون بأن البلد باقي اله كم شهر ويضيع نهائيا
ترا حتى المرجعية ويا المتظاهرين وحقوق الناس المسلوبة اذن هي جاي تمشي شرعا وقانونا
ليش هذا الاحباط وهذا التشويه للناس الفقره الطالعين يطالبون بحقوقهم

[رمـْـْْـْــــــــآڊ]

مرحبا

نحن ضد غلق المدارس بالاجبار والتهديد
ولنكتفي باعتصام الكليات فقط لانهم لبنة الشباب الواعي القادر على التغيير ...
علمونه انو المدرسة امنه بس ما كالوا هاي الام راح تذبنه بالشارع وتخلينه نبيع كلينس ما كالوا هاي الام راح تخلينه نبيع علاليك !!!
اي تعليم الذي تتحدث عنه تعليم اليابان لو الامارات
شوارع ما عدنة كل يوم طايح طالب بالطين ومتمرغل بالوصخ بسبب المطر ... تعال للبصرة وشوف المطر غرك ساحات المدارس والشوارع المقابيلها اريد اعرف شنو قيمة التعليم اذا وزيره فاسد واساسيات التعليم فاسده ... شنو قيمة والطالب يعبر الشارع بقناطر (يصفط حجار ويعبر عليهن) انا واحد من الناس منعت اخوي يداوم صار يومين شوارع ما عدنة مثل الاوادم مدارس ما عدنة مثل الاوادم رحلات بيها ملفات فساد طباعة الكتب بيها فساد مع هذا لا نتفق مع اغلاق المدارس بل بالتثقيف والتوعية باهمية التكاتف لاجل الوطن

بخصوص اذا كان سلمي كيف يقتل ... انت اجيت للتحرير ببداية اكتور اتحداك توكف مو تشيل علم مثل الارهاب يعتقلوك وتشبع كتل وتالي يحققون وياك وتوقع مذكرة عدم ورقه فارغة .
شي ثاني انت شفت متظاهر رافع سلاح بوجه الحكومة ؟ لو فقط بالعلم وينقتل
لولا اخذ السواتر بالجسور لكانت التحرير الان فارغة
سلاما للمرابطين فيها انا كنت وياهم ايام وشفت شنو معنى الثقافة وحب الوطن ... اذا اتريد تعرف معدن الشخص عاشره مو تسمع عنه
اما بخصوص الاحداث الي جرت ما تكدر تغير من سلمية التحرير وسواتر الجسور ولا تسيء لسمعتهم

اكو مشاركة هنا تكول احنه شعب جبان لو نكدر جان غيرنا النظام بيوم ... طيب تكدر تعبر حواجز القناصين تكدر حضرتك تجبرهم يذبون السلاح حته ندخل للخضراء وتسقطها ؟ انت شفت فقط محاولات اختراق الجسور شكد اخذت ارواح ؟
هيج تشوف التغيير سهل ؟


انا لا احبذ اعتصام المدارس لكن اتفق مع الكليات كونها الشريحة الاساسية بالتغير
سؤال / برايك تكدر تغير بدون اضراب او اعتصام ؟

[د. حسن سعيد]

كل دول العالم من تصير بيهم كارثة طبيعية أو حروب يوقفون الدوائر والمدارس عن العمل بين ماتنتهي الكارثة. العراق يمر بأكبر كارثة بالتأريخ أخاف محد يدري. عصابة نهبت البلد وطببتله داعش وگامت تگصگص بي واحتمال اذا بقت هاي العصابة فد سنة حتى ميناء الفاو يبيعوا للكويت.
احد الاخوة يگول محد يعرف معنى نريد وطن. اخي الناس من صاحت إيران برا برا ومن اتهمت الطبقة السياسية بالتآمر على العراق يعني مو غشمه يعرفون بأن البلد باقي اله كم شهر ويضيع نهائيا
ترا حتى المرجعية ويا المتظاهرين وحقوق الناس المسلوبة اذن هي جاي تمشي شرعا وقانونا
ليش هذا الاحباط وهذا التشويه للناس الفقره الطالعين يطالبون بحقوقهم

صديقي العزيز: أول شيء نعم المرجعية مع المتظاهرين وهذا شيء واضح جداً من خطبها لكن، لا ننسى أنها دائماً تحث على المحافظة على الأملاك العامة والخاصة وعدم التعرض لها بسوء، كذلك المرجعية قالت (ليس لأحد إجبار آخر على ترك التظاهرات ولا المشاركة فيها) يعني المرجعية لا تريد تحويل التظاهرة الى دكتاتورية مستقبلية. ثاني شيء عزيزي مع الإقرار بأن حكومة إيران لها دور كبير في تخريب العراق لكن، سؤال وأريد الجواب بلا تعصب: أليست أمريكا والسعودية وأخواتهم من أدخلو لنا الدواعش ودمرو العراق؟ ألم يكن من باب أولى نقول لهم برة برة ولا نقتصر على ايران؟ اذا تنتبه على المرجعية فهي دائماً تكرر رفضها لكل تدخل اقليمي أو دولي يعني كل حكومات الجوار والدول الكبرى مشمولة. ثالثاً يا صديقي كيف يعرفون الوطن وهم يضربون عن الدوام الذي بالمستقبل سيؤدي الى صعود جيل بلا علم؟ دول العالم تعطل الدوائر عند الكوارث الطبيعية لا الكوارث السياسية فأرجو أن لا تختلط عليك الأوراق مع التحية لك.

[الحريف]

صديقي العزيز: أول شيء نعم المرجعية مع المتظاهرين وهذا شيء واضح جداً من خطبها لكن، لا ننسى أنها دائماً تحث على المحافظة على الأملاك العامة والخاصة وعدم التعرض لها بسوء، كذلك المرجعية قالت (ليس لأحد إجبار آخر على ترك التظاهرات ولا المشاركة فيها) يعني المرجعية لا تريد تحويل التظاهرة الى دكتاتورية مستقبلية. ثاني شيء عزيزي مع الإقرار بأن حكومة إيران لها دور كبير في تخريب العراق لكن، سؤال وأريد الجواب بلا تعصب: أليست أمريكا والسعودية وأخواتهم من أدخلو لنا الدواعش ودمرو العراق؟ ألم يكن من باب أولى نقول لهم برة برة ولا نقتصر على ايران؟ اذا تنتبه على المرجعية فهي دائماً تكرر رفضها لكل تدخل اقليمي أو دولي يعني كل حكومات الجوار والدول الكبرى مشمولة. ثالثاً يا صديقي كيف يعرفون الوطن وهم يضربون عن الدوام الذي بالمستقبل سيؤدي الى صعود جيل بلا علم؟ دول العالم تعطل الدوائر عند الكوارث الطبيعية لا الكوارث السياسية فأرجو أن لا تختلط عليك الأوراق مع التحية لك.

من أدخل الدواعش إلى سوريا أولا هم تركيا وبأموال مدفوعة من قطر بناءا على اتفاق مع إيران لإنقاذ حكم بشار الأسد وقد نقلهم حزب الله من عرسال إلى البو كمال وفتح لهم الطريق إلى العراق هو نوري المالكي بعد هروب غيدان وگمبر ولاتنسى ان رؤوس القاعدة ومنهم حمزة بن لادن هم لاجئين في إيران..
قصدي هاي مؤامرة كبيرة لايعرف مداها الا الله تعالى
والكل مشترك ومتآمر بها ضد العراق ولحلب العراق
انا ضد الكل سواء سعودية وسواء إيران وأمريكا على مود ماتزعل
ليش بحرب ٢٠٠٣ الدوام والمدارس مو تعطلت لو لا
واذا انتو عايشين ابغداد وعاجبكم مول المنصور والحارثية حسبالكم هو هذا العراق فأرجوكم تعالوا لمحافظاتنا الجنوبية مثل مناطق هنود الحمر قبل ٢٠٠ سنة احنا وجهالنا كاتلنا الظيم وثانيا شعندك انته على مود اتداوم عندك مصانع مثلا لو من تتخرج راح تتعين وتفيد الوطن
وشي ثاني لتضلون تنگون براس المظاهرات بس اصبروا شوية لأن الضغط جاب نتيجة وان شاء الله الخير جايكم بس اصبروا ورابطوا مع اخوتكم

[فقار الكرخي]

خلي ألحك أكتب رأيي قبل ما تصير عركة وينغلق الموضوع هههه ،
صديقي فقار، هاي الشغلة شخصتها من ثاني أسبوع من الإضراب عن الدوام، ما أكذب عليك آني هم شاركت بالاضراب وغبت أسبوعين وياية كل زملائي بالدراسات العليا، بس من شفنة الوضع طال فوك المعقول والاضراب صار ميفيد ولا يحقق النتيجة اللي نريدها رجعنا للدوام، اليسأل عن دماء الشهداء ويكول (لتضيعوهن بدوامكم) أجاوبه (زين انت مو تكول الشهيد طلع يريد وطن؟ أول شي تعال عرّف لي شنو معنى الوطن وشنو معنى الحق والحرية؟ ثاني شي اذا انت ظليت بلا دراسة ونفرض التظاهرات نجحت وانشلعت السلطة العميلة الطاغية تكدر تحكم وتدير بلد بشكل صحيح وأنت ما عندك أي علم؟).
هسة خلصنا من الناس البسطاء نجي عالفوضويين جماعة الهوسة أول شي الليدور حقوق وحريات بمنظور علماني: يا صديقي مثل ما انت حقك تتظاهر .. من حق غيرك يدرس ويتعلم، فلا أنت تكدر تجبره على ترك الدراسة والعلم ولا هو يجبرك على ترك التظاهر. اليكولون احنة نتبع المرجعية : ترة المرجعية بواحدة من خطبها كالت (ليس لأحد اجبار أي انسان على المشاركة في التظاهرات ولا منعه من الاشتراك فيها) يعني كل واحد حر بكيفه.
أخيراً نجي للمنطق القانوني والتفكير السليم: يا جماعة الخير اللي عدكم هيج فكر -هم زين انت منهم يا فقار- ترة الشغلة صارت غير شي، التظاهرات بدأت تنحرف عن مسارها السلمي، أكو جهات إقليمية ودولية تحرض على الاضراب حتى تخرب التعليم وتصعد جيل جديد من الجهلة والهمج يقودون الدولة بعد ما ينتهي الكارت مال الحكومة الحالية العميلة، بالقانون منع الموظفين والطلبة من الدخول الى الدوائر والجامعات ومؤسسات الدولة يعتبر تهديد للنظام العام ويعطي للسلطة الإدارية حق التدخل واستعمال وسائل الضبط الإداري لإعادة الوضع إلى طبيعته والمحافظة على النظام العام، نعم حرية التظاهر والتعبير عن الرأي مكفولة بالدستور بس بشرط ما تمس بحقوق وحريات الآخرين ولا تهددها، بمنطق سياسي هاي التظاهرة اذا نجحت بهذا الشكل الأعوج رح تجي حكومة دكتاتورة مثل الحكومة الحالية.
والله اليستر والسلام خير الختام

يعني ارجع من الدوام
واروح للمظاهرات وين المشكلة ؟

تحليلك ورؤيتك للأحداث جدا صحيحة
للعلم أمل ونجاة العراق بهاي التظاهرات
بس التضاهرات السلمية



نورت الموضوع اخوية حسن الذهب

[فقار الكرخي]

اول شي بس اعصابك استهدي بالرحمن هههه
ما ادري ليش اشوفك بالنقاشات كأنما تريد تتعارك يمعود صحتك هاي وانت بعدك شاب ^__*

شوف صديقي ، الموضوع الي طرحته متعدد الجوانب اني ما اشوف اي داعي لأضراب الطلاب (المدارس) المستمر ، اعتقد رسالتهم وصلت من اضربوا لمدة اسبوع او ٢ ، لكن اضراب الجامعات هو حدث زلزل الدولة لأن بدو يشوفون مدى قوة الصوت الطلابي وما ننسى ان اكثر الاحزاب و الثوراة قامت اصلاً من داخل الجامعات ، لذلك لاحظ كل الحكومات المتعاقبة حاولت تهمش دور الطلاب و تفهمهم انه انتوا اصغر من ان تتكلمون بالسياسة و خلي كل همك تخرج و تشتغل وتزوج و تموت بدون ما تدوخنه ، بس هسه صار بداخلهم رعب من شافوا هذولة الجيل الهم مشروع و موقف

هذا اول جانب من رأيي

اما الي يجبر المدارس ع الاغلاق اعتقد هذا تصرف خاطئ ، ما اكلك مدسوس ، لا بل تصرف ارعن من مجموعة متظاهرين ، مثل ما اكو مجموعة عطلت مصفى الفاو و مثل ما اكو مجموعة اشتركت بحادثة الوثبة ، المتظاهرين عدد كبير جداً و من الصعب تسيطر على كل هذوله ، اكيد اكو تصرفات فردية ما تمثل الجميع ، بس بالنهاية المفروض اكو دولة هي الي تحمي المواطن و تردع كل شخص يعتدي ع مؤسسة حكومية ، لكن دولتنه بكيفها شوكت ما تريد تضب الحبل و شوكت ما يعجبها تحله

لا يمعود وين العصبية
هاي شماخذين عني نظرة

نجي على جانبك الأول

اعرف ان الحركة الطلابية جبيرة والها ثقلها ومن هالأمور

نجي نسأل
هل كل الطلاب مؤيدين للتظاهر ؟
انت من انطاك الحق تجي تسد مدرستي
وتهددني بالقتل اذا اداوم ؟
زين اذا انتو عددكم قليل
يعني متمثلون الغالبية العضمى من الشعب
ليش تريد تكبر براسي اني كطالب
عود حتى الناس تشوف المظاهرات جبيرة .

زين يجوز اني مستفاد من هذا الوضع
ليش تجبرني اصير وياك .
لا ويجوز هو وضع العراق زين
وانت تشوفة موزين ؟
اهل العلم الطلاب اكيد واعين ومثقفين
ويكدرون بأي وقت يطلعون يتظاهرون مو مكرمين
انت ليش تجي تفرض ارادتك علية !


اما الجانب الثاني .
اني اتحداك تكدر تحجي وية هذولة اليغلقون مدارس
مع العلم اغلبهم مراهقين 16 او 17 سنة .

تجي الدولة تريد تلاحقهم
طلعولك جيش الببسي . شلون تحجي وية المتظاهرين
وتشتغل افلامهم انقتلو 20 من المتظاهرين
شلون فلم هذا الطفل العلكو بالوثبة

اما تكول تصرفات فردية وما تمثل الجميع
اي هذا الجميع ليش ساكت عنهم
شمتاني النجدة
ليش ميمنعوهم او يستعينون بقوات الامن تنظف مظاهراتهم ؟
بس الحقيقة انو هذولة هم اليديرون الأمور
ومحد يكدر يحجي وياهم
والي جانو يكلولهم بابة ميصير هيج حرام
شبعو سجاجين وانطوك عمرهم .




رامي الذهب
نورت الموضوع يالغالي