أشو اشتغلت التصفيات عندك.. يعني ماعدكم غير طريقة تتعاملون بيهه ويا البشر بس التصفية؟المشاركة الأصلية كتبت بواسطة م.م حسن سعيد
لعد هو شجبر العالم على المظاهرات والاحتجاج غير هذا المنطق.. الله وكيلك احنه ماشين بطريقنا لحد آخر راس بهاي الحكومة العميلة
أشو اشتغلت التصفيات عندك.. يعني ماعدكم غير طريقة تتعاملون بيهه ويا البشر بس التصفية؟
لعد هو شجبر العالم على المظاهرات والاحتجاج غير هذا المنطق.. الله وكيلك احنه ماشين بطريقنا لحد آخر راس بهاي الحكومة العميلة
اخي العزيز احمد ..
محد عنده اعتراض ع الاعتصام الطلابي .. بس وفق حرية الفرد الشخصية
يعني مايصير ينجبر اي احد على شي .. وغلق المدارس والجامعات وتهديد التدريسيين هذا برأيك صحيح ؟
يعني هية هاي سلمية الثورة مالتنا ..!
اخي المفروض تكون الثورة سلمية بكل ما الها من معنى .. وشكد نبهنا سيد علي الله يحفظة .!
اني حسب اللي جاي اشوفه .. المتظاهرين الحقيقيين همة من التزموا بتعاليم المرجعية ومحافظين على سلميتهم وموقفهم المشرف بكل ثقافة وادب ..
اما كل شخص قام بفعل يسيء للتظاهرات والمتظاهرين هذا مندس ويستحق العقاب ..!
اللي اتمناه توحيد افكارنا وكلمتنا .. ونساهم مساهمة فعلية بانجاح هاي الثورة وفق طرق سلمية وفعالة
او الحد ع الاقل من هاي المندسين اللي جاي تشوه صورة التظاهرات ..
حجينا مدري أخونا جنابك فهمت قصدي لو لا؟ أكيد لا، والدليل بسرعة اتهمتني بأني ما عندي غير منطق التصفية، عموماً راح أسألك وجاوبني بعقلانية: اذا انت ماشي بالشارع رايح للسوك وإجاك واحد لزمك من ياختك راد يخنكك تدافع عن نفسك لو تتركه يموتك؟ اذا انت كاعد بمدرستك لو محلك لو بيتك وإجوك ناس يريدون يحرقوهن عليك لو هجمو عليك ناوين يضربوك راح تسكت لو تدافع عن نفسك. ثُمَّ يا صديقي هذا قانون وحتى بالدين هَم هالشكل، اذا أحد حاول يعتدي على حياتك من حقك ترد اعتداءه واذا انقتل مو صوجك لأن أنت بحالة دفاع، بس بشرط ان يستعمل ضدك سلاح قاتل وهذا اللي ديصير ببعض مناطقنا بغداد هجوم على مدارس بالمسدسات ، يا أخي تكلّم بلا عاطفة ولا اندفاع ورحمة لروح أجدادك لا تتهم الناس بالكوة ترة هاي مو حضارة، عمي اذا هيج المظاهرات اللي يخالفكم تتهموه بالباطل فمعناها انتو مثل الحكومة اذا استلمتو السلطة تعتدون عليه وتعاملوه بسوء ، يعني هَم شغلتكم خربانة
جدا اشكركم على نقاشكم الحضاري
ووعيكم في رؤية الأمور
ونسأل الله ان يرجع الطلاب الى مدارسهم
وتبقى مظاهراتنا سلمية
الى حين تحقيق المطالب المشروعة
للشعب العراقي
يغلق الموضوع لنضوجه
والكل ابدى رأيه
مودتي للجميع