نورت ضلعيالمشاركة الأصلية كتبت بواسطة Scrap
وضحتلك الطلاب ليش بس انت الظاهر تريد اطول بالنقاش
نفس جوابي سابقا
ما اعتقد واذا اكو ف قليلة جدا
لعد ليش تعمم ع التظاهرات دگ ورگص وتشوه صورتها
!!!
حدد لان اغلب الحالات الشاذة هي سببها
عجيب اذا تعتبر وضعنه عيشه
لازم متغرگ بالشتاء والكهرباء 24 ساعة عدكم
وضمان اجتماعي وصحي وتأمين وسفرات ورصيد بنكي؟
اذا ما قدمتلك شي وانت ساكت وقابل؟
اتمنى من الاعضاء ينطوني فد وصف للي يعترف بالتقصير اتمنى منكم
لا كافي
عذرا ع الاطالة صديقي فقار
تحياتي
الاعمار بيد الله
اخي القضية ومابيها 10% متظاهرين سلميين حقيقيين .. وباقي المتظاهرين مليشيات ومندسين وعملاء واحزاب ..
لحد يزعل من كلامي .. هذا الواقع مو اني اللي أگوله أو فقار ؟
بداية المظاهرات بدت بناس سلميين .. ثم بدت تتوافد اشكال الاصناف ..!
نرجع لقضيتنا وهي التعليم ..!
يا اخي انتة تريد تطلع تتظاهر علي عيني وراسي والله يكثر خيرك ..
هاي الاطفال الابرياء اللي تغلق مدرستهم ليش ؟
داعش جانوا همج .. وانت صرت مثلهم .. ! شنو فرقك هسة عنهم ..!
هية هاي الحرية اللي تريدها .. وهذا الوطن اللي طالع تتظاهر علموده ..!
المظاهرات جانت يجب ان تكون مظاهرات سلمية 100% ..
والها جوانب واثار جميلة .. بس مع الاسف انباعت من اول اسبوع ..
وخلوها ابالكم كل الشعب خاين وعميل ومندس .. ماعدا ال 10% اللي اذكرتهم بالبداية .
ماعدنا ثقافة ولا رأي حكيم .. ولا نعرف الدين ولا الاسلام ولا البطيخ ..
لوكية وخونة بأمتياز ..
لو شعب بي حظ .. بيوم واحد نسقط الحكومة وماكو اي قوة بالكون تكدر توكفنة :
اذا الشعب يوماً اراد الحياة فلا بد ان يستجيب القدر ..
بس اذا الشعب مركع 650 الف ركعة .. وتعرفون شقصد ..
ارضوا بالذل مدى الحياة واكعدوا واسكتوا ..
حنا من الناس كليتنا الي يريد يداوم بعده ما رايح بس يكول راح اروح ينشر صورته بكروب الكلية ويكلون مندس..
اني وي مظاهرات بس تعليم شعليه صارلنا اكثر من شهرين وماكو حل
وطبعا للعلم
هاي المظاهرات اذا راحت
العراق الى الضياع .
يا اخي ليش انطي حجة للحكومة
تضرب التظاهرات وتنهيها .
ليش اخلي كم زعطوط يخربوها
مو بالبداية زينة وحصلت دعم اغلب الشخصيات والدول
وبدت تجيب نتيجة .
بس المشكلة محد يكدر يحجي وية المخربين
نورت حمادة الغالي
مو بس مندس يكلولة
لا ويقتلو
الجهلة اعداء التعليم
نورتي يالغالية
تقرير منظمة الأمم المتحدة بسنة ٢٠١٨ تدري شيگول بتقريره؟
٣ مليون طفل عراقي تركوا الدراسة.
٧ مليون طفل عراقي دون سن ١٥ سنة يعيشون الفقر ويشتغلون يعني ثلث أطفال العراق. اكو بيهم يدفعون عربانة ويبيعون كلنكس ويتسولون بالتقاطعات وبسجون الأحداث وقسم ويا أهلهم بالمخيمات بهذا البرد والحر.
٢٢ الف بيت مهدم بس بالموصل.
١٨٠ مخيم للمهجرين.
تدمير ١٨٠ مدينة وقضاء وناحية وبلدة.
يادراسة هاي التحجي عنهه
انته تتخيل شگد كبيرة هاي الأرقام ومخيفة بنفس الوقت. لو اهم شي آني وماعليه بالناس
يجوز حضرتك عندك فلوس ومامهتم بمعاناة الناس تگدر تسجلهم بمدارس الأردن او تركيا هاي السنة بين ماتفض شغلة الفقره
فقار
برأييك راح تشوف فد يوم مدارس متوفره بيه ابسط مستلزمات الدراسة ؟
راح يجي يوم ومعاملتك تمشي بدوائر الدولة بكل سهولة؟
طبعا بوجود هل الاحزاب
؟
بصراحة اني مااعرف شديصير
بس دوام المدارس ببغداد عادي ع الاقل بمنطقتنا ومن اطلع غير منطقة
اروح للدوام ايضًا عادي ، الكليات متوقف دوامها وهالشي اذا استمر يسبب كارثة
يعني تخيل هالسنة ماكو مرحلة اولى راح تندمج ويه الثانية و هالخطأ راح يصعد ويستمر
لحد متتخرج هذه الوجبة احسب مشكلة سنة على كم سنة راح تأثر مستقبلًا
المظاهرات مابيها قيادة ، تحسها عشوائية لذلك من السهولة اختراقها
يعني المتظاهر السلمي من ديشوف هالشي ديصير لازم يتخذ موقف مو يبقى
بس ينادي سلمية ويصبغ بالحيطان ويطبخ ، هذا بصراحة ومع احترامي اسمه فراغ
يعني ناس فارغة وعاطلة وتقضي وقت والطالب فرحان ماكو دوام و يروح يتونس
المظاهرات والحق مو بهذه الطريقة !
برأيي كلامك المفروض يكون من المتظاهر السلمي عنده قيادة
وقتها ثق محد يداوم لا طالب ولا موظف ويصير فعلًا عصيان ومحد يتجرأ يحمل سلاح
او يهدد طالب او موظف ، لكن اللي يداومون ماعدهم ثقة بنجاح المظاهرات
لذلك يعتمدون مبدأ الشين اللي تعرفه احسن من الزين اللي متعرفه
عمومًا كل خرق يصير بالتظاهرات سببها المتظاهرين ماعدهم قيادة والامور تايهة
