المندسين والتعليم
السلام عليكم .
ماكو وطن ماكو دوام !!
هاي العبارة تكررت في اكثر من مكان
وبالفعل منعو المدارس من الدوام
واليداوم يعرض حياتة للخطر .
السؤال .
الطالب اذا داوم شنو راح يأثر على المظاهرات .
يعني يجوز الطالب ميريد يتظاهر
ليش تجبرة عالاضراب !
شنو فرقك عن الأحزاب
هم تجبر الناس على اشياء متريدها
صادرت رأيهم وجبرتهم .
راح تكول التعليم عدنه فاشل .
يا اخي انت شعليك . فاشل هو يريد يداوم ليش تجبرة .
زين هسة خلي نجي على الي يمنعون المدارس تنفتح
منو ذولة ؟
اكو متظاهر سلمي يروح يهدد المدرسة !
لعد منو ذولة !
اكيد ذولة اهل السجاجين الي يدججون بالعالم
والي يحركون محلات ويعلكون الناس بالتيولة .
هسة يجي واحد ويكول هذولة مدسوسين
اذا مدسوس ويتحكم بالاول والتالي
لعد ماشفنة طلعو السلميين وكالولهم اطلعو من المظاهرات منريدكم ومنريد ملثمين
يعني معقولة وصلنة مرحلة
الي يحملون سجاجين وبطالة بانزين يحددون مصير التعليم بالعراق ؟؟
البعض يكول احتراما لدماء الشهداء لازم محد يداوم .
زين وهذا الدك وركص الي نشوفة يومية بالمظاهرات شنو حلال
ودوام المدارس حرام ولازم يحترمون الشهداء ؟
زين اريد اسأل سؤال
فديوم شفتو متظاهر شايل علم
وكاعد يتظاهر سلمي ومات !
من بداية التظاهرات ولحد البارحة
اني واصدقائي بالتحرير
اشو ما متنه ؟
حبيت اناقش هذا الموضوع وياكم
اناقش مو اتعارك .
جميع الردود تخضع للتقييم
المشاركة الأصلية كتبت بواسطة فقار الكرخي
