هنا

[فقار الكرخي]

1/العنب عرضة عزيز ايموت من ينجاس

٢/ التل يلبس جديد بفركة الريح

3/ حضن من تفتك اتصير الشبابيج

4/ انه ضايع ضيعة البصمة اعله ماي

5/ الحرب من تكضي كلهه اتصير رماية

6/ اصبح ضفيرة البيرغ امن العكد

7/ رجلين للحب حطو ومامشه
خافن يمر عطشان يتنطره

8/ رغم الضوه البعيون الفوانيس
لكن خلصن اعمارهن كود

9/ الكصبة من يندج كفاهه اتصير ناي

10/ المنجل امدنك ايعرف افعاله عيب

11/ اتعيش الشموع اعله حِركت شيبها

12/ شنو من ماضي عدهه وهجي البلام
عمر بالماي تلكه اضهورهن سود

13/ جان اكو اهلال اعله شفتي
او هسة غااااااااب

14/ السدة ايبوّس بشباجهه الماي
بس لمن تطيح ايصير هادود

15/ انه ذاك اليشتهي ايعيش بكمان
حته يلكه اللي يشيل اجنازته

16/ كون اشيلن ثلمة من طبع القطار
ينطي ضهرة لكل بشر ماينتظر

17/ جا شنهي ذنبي و عايش اشبه ضرف
ساتر رسالة وينذبح منحرة

18 / انطبع فيي الجوادر عالدرابين

19/ عشت دفتر ابدنية امتحانات
ابوكت مشلوع بي كلب الدفاتر

20/ الحلوة بالاغصان تلتم من تموت

21/ جكليتة جنازة الحرمة التخون
شنو لذتهه حته تدنكلهه

22/ بدرب واحد عشت مثل المراجيح

23/ القفل شفناه بس,غمضنه العيون
وتخايلنه تراجيكم على الباب

24/ كون العين عاجر .. طيف متجيب
لولاهه ولانشتاك لحد

25/ الطين الحر لأن حر ماصعد فوك

26/ المساحي برغم ماداستها الجدام
رتب شالتهن اجتاف الفلاليح

27 / غداهن عنبر بكاعي العصافير
بوكت الناس تتخسر ع الدنان

28/ مو مطر .. بس كلها تفرح من اطيح

29/ نام بذرة .

30/ صيحني بكلبك اخاف اسمي يتعبك

31/ كمين الورد من ايطك على الشوك
الشوك اينبت اسهام بدخيلة

32 / الصور لو ماجرح بضهورها اتطيح

33/ شيب براس نورس .... تعبك ايضيع

34/ ربعي وكفولي .. لجن عثرة بطريج

35/ كطع انفاسنه ولاكطعت احباب

36/ ليش,البكصته نهر بشفافه نوك ?

37/ صورتك من كثر مامستعز بيهه
خاف تعتك كمت ماركز عليهه

38/ الصدى مو زلمة .. بس ايعزب الضيف
نسلم والصدى يردلنه الجواب

39/ بوب كلوبكم خيبر بالعيون
بس لغيرنا بيبان مرقد !!

40 / كون اشيلن ثلمة من طبع القطار
ينطي ضهره لكل بشر ماينتضر

41 / قصرت .. من وياك ماقصرت

42/ ناسيك .. وافرش,وي حمار الشمس

43/ بلا احضان خلو يصير الوداع
حذاري جروحنه خضره بضهرنه

44/ غالي بمعزة الماي بالطف جنت

45 / انه ردتك امن الشباج . ماريدك امن الشباج

46/ المانزلن وره الميتين .. نزلن من وره بنية !

47 / العتب يمصخ اذا كلساع نعتب

48 / العنده خنجر ضايع ايدوره بكفاي

49/ من تتنفس اتموت الفوانيس !

50/ الناس يرادلها مكفه السلحفاة
وانه من كد طيبتي يخرمشني ماي.





مهيمن الأمين

[انثى مخمليةة]

روووعاات