هالليله اشتهيت ابجي
واكلك شوفني شمحتاج

هالليله الحلم مبيوع للشباج

حلم كل ضنه راح تفوت
ركض كبلي ع الشباج

مدري شفزز المضموم
ونفك باب بضلوعي

شني اول واحد يفارك
وكل ماتلتم الوادم يرد ينفتح موضوع

مشتاك شيسكتني اذا ماتنزل دموعي

الهوه مالاعب البرده مثل كل يوم
دره ماشاعل شموعي

شيسوي المثل حالي

شمدريني الضوه من يموت
بس انت تجي ابالي

كل ماتختنك نجمه السمه تلالي

ويضم الكمر روحه بحضن صوره
ويصير الحزن عالي

بهاي الليله كلشي انت

الخوف العايشه الجندي بدايتها
جربته وطلعت انت

شيخلصهن هوايه
شلون اوكف ع المرايه وشوف انت

المن لو نويت احجي

ذني عيونك عيوني عليك ثنينه نبجي

مدري شبيها هاي الليله من احلام

اركض لو اضل واكف
علمني شسوي وماتضل كدام

اخاف من الحنين اليسبك الايام

من كتلي السفر للطير مو للناس
بيدك امنت كلبي

ومن كتلي الحجي مو بالحبر ينداف
احبك كتلك بدمي

جان المستحه بوجهك مثل حلمي

اضمك وين حلم ضميتك وشافوك

من وازيتيني اعله الشوف
اول ماشلت رمشي كبل عرفوك

ما متشابيكن
شلون عطرك باقي بهدومي

هاي ولايتي شبيه ويدلوني

وذا تعبان اذا احاول
احط راسي على متوني

امس من ضاع حرفك
ماعرفني البيت

ردت ابجي والغيم اندار
واني شكد مطر فوك المطر خليت

وانت هناك ماحسيت

واخر شي يطعم الشيب

من شلت الصور للباب
وحده الليل كام يغيب

اذا رايدني كول اسمي
وخليها عليه وكلشي راح يطيب






حيدر الطفيلي