حزن عاشور
هل هلالك عاشور والدنيا ظلمت علينة
وذكرك يا مولاي بكل بيت ومدينة
حزنك باقي وية مر الايام
وماتنسي مصبيتك وية كل الالام
يظل اسمك مزروع بالقلوب
وشما نكتب ما نوفي بالمطلوب
بقيت وحيد بالطف ومحد وياك
بس صدكني مولاي كل ارواحنا فداك
نذكر مسلم ويوم كفته بالكوفة
ونعرف شجاعته و بمواقفه المعروفة
وسيف ابو فاضل يشهد بالامجاد
ووكفته بيوم الطف يم ابو السجاد
تشهد لك ام البنين والزهراء البتول
ونهر الفرات جف بوفاتك يافحل الفحول
نطلب الماي منك وانته قطيع الكفين
ونصيح بصوت عالي وين اخويه حسين
وزفتك يالقاسم صارت دم وية التراب
وظلت مصيبتك مولاي مكتوبة بكل كتاب
وجف حليب الطفل والوضع زاد
وسهم عيد الله الرضيع صار يم ابو السجاد
وظلت زينب تنوح وين ابويه الكرار
بقيت وحيدة وتصيح وين هلي الابرار
ضربة شمر باقي اثرها وابد مايروح
بس روحك سيدي موجودة بكل الجروح
بكل شبر اسمك سيدي محفوظ بين الناس
وبزيارتك مولاي حبك وشفاعتك تنسي كل هموم الناس
وتظل مصيبتك باقية يامولاي بكل صبح ومسيه
رد مع اقتباس
